Georges Brassens

El Vikipedio

Ĉi tiu artikolo pri "Georges Brassens" ankoraŭ estas ĝermo. Vi povas helpi pluredakti ĝin post klako al la butono «redaktu».
Se jam ekzistas alilingva samtema artikolo pli disvolvita, traduku kaj aldonu el ĝi.

Muziko>>Francaj kanzonoj

Georges BRASSENS naskiĝis la 22-an de oktobro 1921, en la franca urbo Sète (tiam Cette) [ elparolu SET ]. Li mortis la 29-an de oktobro 1981 en Saint-Gély-du-Fesc (16 kilometrojn norde de Montpellier / Monpeljero [ +/- Saĵelidufe Mopelje ]. Li skribis, komponis kaj interpretis kanzonojn.

[redaktu] Vivo

Filo de homoj kun simpla vivo, li travivas trankvilajn tagojn en la suda Francio; li estis averaĝa lernanto kiun tutcerte interesis poezio : unu el liaj instruistoj, Alphonse BONNAFé [Alfons Bonafe] fariĝos la unua por malkovri en li tiun talenton por la poezio kaj por ĝin favori. Poste, la 19-jaraĝa Georges BRASSENS "supreniras" al Parizo, en 1940. Dum 1942, li trovas rifuĝejon ĉe Jeanne LE BONNIEC [Ĵan' Le Bonjek], bretondevena virino kiu estis tridek jarojn pli maljuna ol li kaj kiun li kromnomos "La Jeanne". Dum pli ol dudek jaroj, li restos ŝia gasto. Pli poste, li dediĉos al ŝi kanzonojn, kiel "La Cane de Jeanne" [La anasino de Johanino] kaj precipe "Jeanne". Li ne preterlasis respektsaluti ankaŭ ŝian edzon Marcel [Marsel] ("Chanson pour l'Auvergnat" [Kanzono por la Aŭverniano]. La saman jaron, li eldonas sian unuan poemaron, sen iu ajn sukceso. Dum marto 1943, li estas sendata Germanien, kadre de la S.T.O. (Service du Travail Obligatoire = Servo de deviga laboro). Tiam, li renkontas Pierre ONTENIENTE [Pjer Onteniente], alie nomitan Gibraltar, sian estontan sekretarion kaj kunulon. Ankaŭ tiam li aperas por la unuaj fojoj antaŭ publiko kaj komponas siajn unuajn kanzonojn. Dum forpermeso Parizen, li dizertas kaj sin kaŝas ĝis la fino de la milito ĉe "la Jeanne". Tie li loĝas en malgranda apartamento ĝis 1966. En 1946 Brassens aliĝas al la Federacio Anarkiista kaj skribas artikolojn en la gazeto "Le Libertaire" (nuntempe Le Monde Libertaire) sub multaj pseŭdonimoj (Géo Cédille, Gilles Collin, ktp.) Tiam li kantas siajn unuajn kanzonojn dum anarkiistaj galaoj. Li provas estigi anarkistan gazeton en la 15-a distrikto de Parizo, sed vane. ...

[redaktu] Citaĵoj

[redaktu] Anekdotoj

[redaktu] Diskoj

[redaktu] Liaj propraj verkoj

[redaktu] Aliaj diskoj

[redaktu] La tekstoj de aliaj aŭtoroj

[redaktu] Premioj

[redaktu] Nuntempe

[redaktu] Ceteraĵoj

Jacques Yvart interpretis kanzonojn liajn en Esperanto, sur la disko "Jacques Yvart kantas Georges Brassens", aperinta en 1998. La tekstojn tradukis Claude Piron, kun georges LAGRANGE, Marcel Redoulez.