Gustavo la 5-a (Svedio)
El Vikipedio
Gustavo la 5-a, svede Gustaf V (1858-1950), estis reĝo de Svedio ekde 1907 ĝis sia morto, la kvina reganto el la dinastio Bernadotte.
Li estis filo de Oskaro la 2-a kaj reĝino Sofia, pranepo de Karolo la 14-a Johano kaj praavo de Karolo la 16-a Gustavo, la nuna reĝo kaj ŝtatestro de Svedio.
La reĝotempo de Gustavo estis 43 jarojn longa (la due plej longa en la sveda historio), kaj entenis kaj la Unuan kaj Duan Mondmiliton. Dum ambaŭ mondmilitoj Svedio restis neŭtrala.
Gustavo la 5-a estis la lasta reĝo de Svedio kiu havis veran politikan povon. Dum sia reĝotempo li estis devigita akcepti parlamentismon kaj konstitucian monarĥion, kie la reĝo havas ĉefe nur simbolan funkcion.
Private Gustavo la 5-a interesiĝis pri muziko, arto kaj sporto, kaj estis internacie konata teniso-ludanto sub la pseŭdonimo "Mr. G.".
| Antaŭulo Oskaro la 2-a |
Reĝoj de Svedio 1907–1950 |
Posteulo Gustavo la 6-a Adolfo |
Se jam ekzistas alilingva samtema artikolo pli disvolvita, traduku kaj aldonu el ĝi.
