Kibuco
El Vikipedio
Kibuco estas izraela kooperativa formo, originale agrikultura pli poste kun miksa mastrumado.
Komence en la kibucoj regis preskaŭ realigo de la komunismo en tiu senco, ke ofte eĉ la vestoj estis komunaj. La infanoj dormis komune - sen la gepatroj-, la kibucanoj kuiris, manĝis komune. Ĉiu enspezo estis komuna.
Post tio - per riĉiĝo de la komunumo - pli kaj pli aperis formoj de la individua posedado, la komunumoj pli kaj pli individuiĝas.
Hodiaŭ ekzistas diversaj kibucoj rilate al grado de posedado.
Oni fondis la unuan kibucon en 1909 en Deganja. En la dua duono de la 20-a jc. agadis pli ol 200 kibucoj kun membraro de ĉ. 100.000.
La kibucoj kaj kibucanoj gravis je ekposedo de la prajudaj teritorioj kaj je defendo de la naskiĝanta Izraelo.
