Korunjo

El Vikipedio

Geografio > Eŭropo > Hispanio > Galegio > Korunjo

---

Korunjo (galeglingve kaj oficiale A Coruña, malnova hispana nomo La Coruña) estas urbo en la ekstrema nordokcidento de Hispanio kaj estas parto de la Aŭtonoma Komunumo Galegio. Ĝi estas ĉeatlantika urbo kun milda klimato.

• Koordinatoj: 43° 22' N, 8° 23' U ^Mapo

Ĝi okupas areon de 36,8 km², kaj atingas 243.785 loĝantojn, densanta 6.624 loĝantojn je km².

Ĝi estas administracia ĉefurbo de granda areo, kun aktivecoj agrara, fiŝista, industria kaj serva. En la lastaj jardekoj ĝia strukturo ŝanĝis multmaniere: ĝi dispartigas diversajn funkciojn administrajn kaj reduktis aliajn militajn. Ankoraŭ tre gravas la havena aktivado, ĉu komerca, ĉu fiŝista.

En la lastaj jaroj la urbo tre disvolviĝis, per la plibonigo de la komunikado kaj la ampleksigo de la infrastrukturoj kultura, sporta (ĝi estas la sidejo de la futbala klubo Real Club Deportivo de La Coruña) kaj distra.

Enhavo 1 Monumentoj 2 Provinco 3 Vidu 4 Eksteraj Ligoj

[redaktu] Monumentoj

• Torre de Hércules (Turo de Herkulo): Ĝi estas la unika romana lumturo, kiu funkcias hodiaŭe. Oni ankaŭ povas viziti la golfludejon (tre proksiman) kaj la ĉemaran promenejon kun pli ol kvar kilometroj trapromeneblaj.

• Millenium (Jarmilo): Konstruita en la jaro 2000, tiu monumento estis pensita por memori la antaŭan jarmilon, kaj diri "bonvenon" al la nova. Ĝi estas bela piramido el kristalo kun kelkaj koloroj.

[redaktu] Provinco

Korunjo estas la ĉefurbo de la samnoma hispana provinco, en kiu situas urboj kiel Santiago de Compostela aŭ Ferrol.

[redaktu] Vidu

• Listo de urboj laŭ lando

[redaktu] Eksteraj Ligoj

• Urbodomo de Korunjo (hispanlingve)