Levidoj

El Vikipedio

Malnova Testamento
Genezo
Eliro
Levidoj
Nombroj
Readmono
Josuo
Juĝistoj
Rut
1 Samuel
2 Samuel
1 Reĝoj
2 Reĝoj
1 Kroniko
2 Kroniko
Ezra
Neĥemja
Tobit
Judit
Ester
1 Makabeoj
2 Makabeoj
Ijob
Psalmoj
Sentencoj
Kohelet
Alta Kanto
Saĝeco
Siraĥido
Jesaja
Jeremia
Lamentado
Baruĥ
Baruĥ 6
Jeĥezkel
Daniel
Hoŝea
Joel
Amos
Obadja
Jona
Miĥa
Naĥum
Ĥabakuk
Cefanja
Ĥagaj
Zeĥarja
Malaĥi

Levidoj estas la tria libro (de la Malnova testamento) en la Biblio. Ĝi estas la tria el la kvin libroj de Moseo, kiuj nomiĝas hebree Torao, greke Pentateŭko.

[redaktu] Nomo

La titolo estas

en la hebrea: ויקרא (vejikrá, "kaj Li vokis") laŭ la unuaj vortoj
en la greka Septuaginto (LXX): ΛΕΥΙΤΙΚΟΝ (levitikòn)
en la latina Nova Vulgato: Liber Liviticus (libro pri la levidoj).

La libro nomiĝas Levidoj, ĉar ĝi grandparte konsistas el ordonoj por la servo de la Levidoj, tio estas la pastroj el la tribo Levi.

[redaktu] Aŭtoro

Longe oni pensis, ke ĝin verkis la profeto Moseo laŭ Dia revelacio, sed hodiaŭ la plejmulto de la teologoj estas konvinkita, ke diversaj aŭtoroj ĝin verkis dum multe da tempo.

Detalojn vidu ĉe Pentateŭko!

[redaktu] Enhavo kaj strukturo

Jen ebla dispozicio: ^[1]

Oferleĝoj por la popolo (Lev 1 - 5)
Oferleĝoj por la pastroj (Lev 6 - 7)
Ordonoj por la pastroj (Lev 8 - 10)
Leĝoj pri pureco (Lev 11 - 15)
Ritaro por la tago de pek-liberigo (Lev 16)
La "Leĝo de Sankteco" (Lev 17 - 26)
Tarifo por votoj (Lev 27)

↑ La subtitoloj estas prenitaj el la nove editorita esperanta Biblio:
IKUE kaj KELI (ed.): Biblio, eldonejo KAVA-PECH, Dobřichovice (Praha) 2006, ISBN 80-85853-90-6.
Ili baziĝas sur tiuj de la germana Einheitsübersetzung.

[redaktu] Hodiaŭa valoro

Kial ni konservas ĝis hodiaŭ tiajn por ni strangajn leĝojn, ordonojn kaj regulojn, nomante ilin eĉ "Sankta Skribo"?

Ili montras, kiamaniere aspektas socio, en kiu oni ne distingas inter religia kaj ŝtata kompetenteco.

Ili klarigas, kiamaniere la popolo Izrael, per obeo de la por ili sanktaj ordonoj, povis gardi sian identecon ĝis hodiaŭ.

Konsiderinda ĝis hodiaŭ restas la baza strukturo de la "Leĝo de Sankteco": Konsekvenco el la sankteco de Dio estas, ke ankaŭ la homo estu sankta (Lev 19,2). – Tiun ĉi ideon la Nova Testamento transprenas en la "Surmonta Prediko" (Mat 5,48):

Estu do perfektaj,

kiel ankaŭ via ĉiela Patro estas perfekta.

[redaktu] Teksto en Esperanto

La (iom prilaborita) traduko de Zamenhof estas trovebla

paperforme:
- en la esperanta Biblio:
  IKUE kaj KELI (ed.): Biblio, eldonejo KAVA-PECH, Dobřichovice (Praha) 2006, ISBN 80-85853-90-6
diversloke enrete:
- http://home.att.net/~tanahx/03.htm (unikode, disigitaj laŭ ĉapitroj, kun versiklonombroj)
- http://www.geocities.com/kalblando/biblio/levidoj.htm (x-forme, kun versiklonombroj)

[redaktu] Teksto en aliaj lingvoj

El la multaj poliglotaj Biblioj en la reto ni nomas jenajn du (sen aparte rekomendi ilin aŭ malrekomendi la aliajn):

http://www.bibliacatolica.com.br/mapadosite.php

Temas pri 15 ĉefe katolikaj versioj en 12 lingvoj, inter ili ankaŭ la germana Einheitsübersetzung. La menuo estas en la brazila (portugala).

Supre maldekstre

oni unue elektu la lingvon aŭ version (Escolha uma versão),
poste oni elektu la biblian libron (Livro) kaj laŭplaĉe ĉapitron (Capitulo),
fine oni klaku sur la butonon "OK".

http://www.unboundbible.org/

Ĝi entenas pli ol cent versiojn, inter ili ankaŭ la esperantan en x-formo kaj du versiojn de la germana Lutherbibel. La menuo estas en la franca:

Choisissez les versions de la Bible. –
Elektu la versiojn de la Biblio. (Oni povas paralele elekti ĝis 4, eĉ ĝis 9 versiojn.)
Choisissez une section ou un livre de la Bible. Les chapitres et versets sont facultatifs. –
Elektu sekcion aŭ libron de la Biblio. Elekti ĉapitrojn kaj versiklojn estas libervole.
Entrez les mots à rechercher (facultatif). –
Endonu serĉvortojn (libervole).
Appuyez sur le bouton "Rechercher". –
Klaku sur la butonon "Serĉu".