Lot

El Vikipedio

Tiu ĉi artikolo temas pri la departemento en Francio. Pri la aliaj signifoj de LOT rigardu en LOT.

Geografio > Eŭropo > Francio > Sudo-Pireneoj > Lot < Francaj departementoj

Lot (46)

Informoj
Regiono :	Sudo-Pireneoj
Prefektejo :	Cahors
Subprefektejoj :	Figeac Gourdon
Loĝantaro - Suma (1999) - Loĝdenso	160 197 loĝantoj 31 loĝantoj/km²
Areo	5 217 km²
Arondismentoj	3
Kantonoj	31
Komunumoj	340
Prezidento de la Ĝenerala Konsilio	Gérard Miquel
Situo en Francio

Lot [lot] (aŭ okcitanlingve Òlt [olt]) estas unu el la ok departementoj de la franca regiono Sudo-Pireneoj. Ĝia ĉefurbo (france : Préfecture) estas Cahors. Lot etendiĝas sur 5 217 km2 kaj ĝi havas 160 000 loĝantojn.

La departemento tute enhavas 340 komunumojn.

[redaktu] Geografio

Lot havas landlimojn kun la departementoj Corrèze, Cantal, Aveyron, Tarn-et-Garonne, Lot-et-Garonne kaj Dordogne.

[redaktu] Ekonomio

Kalkŝtonaj ebenaĵoj kovras la plej grandan parton de sia teritorio. Ili nomiĝas "Causses" [kos] : Causse de Martel, Causse de Gramat, Causse de Limogne formas kune vastan sekegan surfacon kie troviĝas nur kelkaj paŝtejoj kaj maldensaj arbaroj. Agrikulturo disvolviĝas en la valoj.

[redaktu] Turismo kaj kulturo

Lot posedas kelkajn el la plej elstaraj vidindaĵoj de Francio : Rocamadour, unu el la plej gravaj pilgrimlokoj dum la mezepoko ankoraŭ havas arkitekturan ensemblon eksterordinaran (preĝejoj, kapeloj, kastelo, mezepokaj domoj), la abismo de Padirac, Saint-Cirq Lapopie klasigita inter la "plej belaj vilaĝoj de Francio" (Les plus beaux villages de France), kaj multaj mezepokaj fortresoj kaj vilaĝoj.

Aliaj urboj : Figeac, Gourdon (subĉefurboj, france sous-préfectures), Aynac, Bretenoux, Cajarc, Saint-Céré.
Aliaj vilaĝoj inter la "plej belaj vilaĝoj de Francio" : Autoire, Cardaillac, Carennac, Lacapelle-Marival, Loubressac, Saint-Cirq Lapopie