Otakar Jaroš
El Vikipedio
Otakar Jaroš (* la 1-an de aŭgusto 1912 en Louny, + la 8-an de marto 1943 en Sokolove - Ukrainio) estis ĉeĥoslovaka oficiro, partoprenanto de kontraŭnaziisma rezistmovado.
Li travivis infanaĝon en Mělník, li ne finis studadojn en tiea gimnazio. Ekde la jaro 1933 li studis suboficiran lernejon en Trnava, pli poste lernejon por rezervistaj oficiroj en Turnov. En 1937 li finvizitis Armean akademion en Hranice na Moravě. ĝis la jaro 1939 li estis komandanto de telegrafa taĉmento en Prešov. Post munkena diktaĵo li estis demobilizita kaj li laboris kiel poŝtoficisto en Náchod. En aŭgusto de 1939 li transiris en Pollandon kaj de tie en Sovetunion. En 1941 li aniĝis en ekzerctendaron en Buzuluk. Li fariĝis komandanto de la 1-a roto de la ĉeĥoslovaka memstara bataliono en Sovetunio.
La ĉeĥoslovakaj soldatoj intervenis en batalojn - enkadre de Ruĝa Armeo - unuafoje la 8-an de marto 1943 ĉe vilaĝo Sokolove en Ukrainio. La ĉeĥoslovaka taĉmento defendis la vilaĝon antaŭ sturmo de germanaj tankoj en la tagoj 4-a de marto ĝis 8-a de marto. Ĉi tie ĉefleŭtenanto Jaroš emientiĝis dum heroa defendo kaj ĉi tie ankaŭ, anstataŭ por retiriĝi, li falis. Li estis avancita in memoriam je kapitano kaj li estis honorita - kiel la unua nesoveta civitano entute - per titolo Heroo de Sovetunio.
