Cristianesim
De Vichipedie, la enciclopedie libare dute in marilenghe.
Il Cristianesim e je une religjon monoteistiche basade sore la vite e i insegnaments di Gesù di Nazareth, cjapade sù dai siei prins fidêi in tal Gnûf Testament. E je la plui grant religjon dal mont, cun pressapôc 2,1 miliarts di fidêi, un tierç da la popolazion dal mont. E spartìs cul Ebraisim i libris da la Torah (cjapade dentri il Vieri Testament), e par chest e je a voltis clamade religjon abramitiche. Il Cristianesim al cjape dentri tantis tradizions religjosis che e cambiin une vore cun la culture, e tantis diviersis glesiis e setis. Di solit e je divise in trê ramaçs principâls, plui altris.
- Catolicisim (difondude soredut tai paîs di culture latine in Europe, tes Americhis e in Australie).
- Ortodossie(difondude soredut tai paîs dal Est Europe)
- Protestantesim o Evangjelisim (dividût in glesiis nazionâls e di pinzîr scu Valdisim, Metodisime, Luteranisim, anglicanisim, Pentecostalisim).
- Altris confessions come Glesie di Crist, Testemonis di Jeova, Mormons.
Cierts ramaçs a no son grups uniforms.
[cambie] Difusion
Secont i dâts plui recents, il Cristianesim e je la religjon plui difondude tal mont, cun 2 miliarts e cent milions di praticants, dividûts in 1,1 miliarts di catolics, 510 milions di protestants in diviers grups, 216 milions di ortodòs, 158 milions d'indipendents (no leâts a lis grandis corintis), e par finî 31,7 milions che a fasin part di altris grups.
