The Doors

Na Galipedia, a wikipedia en galego.

Música en progreso: Este artigo relacionado coa música é, polo de agora, só un bosquexo. Podes contribuir a que a Galipedia mellore e medre aportando os teus coñecementos, así como contribuíndo tamén noutros artigos relacionados que precisan ser ampliados.

The Doors
{{{caption}}}
Orixe	Os Ánxeles, California
País	Estados Unidos
Período	1965 – 1972
Xénero(s)	Rock, Rock psicodélico
Selo(s) discográfico(s)	Elektra
Membros	John Densmore Robby Krieger Ray Manzarek Jim Morrison Ian Astbury
Antigos membros
Web oficial	www.TheDoors.com

The Doors foi unha banda de rock estadounidense dos anos 60. A súa historia xirou sobre a figura do seu vocalista Jim Morrison.

[editar] Biografía

Jim Morrison naceu o 8 de decembro de 1943 en Florida. Dende pequeno a Jim gustáballe ler libros de autores como Kafka e Nietzsche. Un acontecemento marcou a súa infancia: nunha viaxe coa familia pasaron ao lado dun coche accidentado, segundo el mesmo, víu o espírito dun vello indio. Reza a lenda que o indio acompañou a Morrison durante toda a súa vida.

Despois de estudar psicoloxía en Florida decidiu matricularse na faculdade de cine da UCLA, en Los Angeles, onde coñeceu a Ray Manzarek. Manzarek era un teclista de formación clásica con bastante experiencia en bandas de jazz. Jim descubriu con el a súa paixón polo blues e o jazz, e decidiu amosarlle algunhas das súas poesías. Bastante impresionado, Ray formou con Morrison unha nova banda. O nome, escollido por Jim, ven dun verso do poeta inglés William Blake: "Cando as portas da concepción sexan abertas, o home verá as cousas como elas realmente son: infinitas". Nacía así The Doors. O dúo coñeceu ao baterista John Densmore nunha conferencia do gurú hindú Maharishi Maheshi Yogi. Densmore xa tocaba noutras bandas pero decidiu xuntarse a The Doors.

Facendo unha combinación de piano, batería e poesía, conseguiron un contrato coa Columbia, grazas a Billy James, que xa contratara a The Byrds. James púxolles unha condición: deberían contratar un guitarrista. Aí entra en escena Robbie Krieger, amigo de Densmore nas súas meditacións transcendentais. Robbie fora rexeitado por outras bandas polo seu estilo de jazz e flamenco. Pero foi xustamente este ecletismo o que o fixo entrar en The Doors.

Durante o ano 1965 non gravaron nada e perderon o contrato coa Columbia. Comezaron entón a tocar por California. A transformación nos escenarios de Jim era evidente: deixaba de ser tímido e fráxil para converterse nun performer visceral, sensual e incendiario, creando a eterna fama de sex-symbol, a pesares de que el quería ser visto como un artista serio. Arthur Lee, da banda Love, apaixonouse do son de The Doors e levounos á discográfica Elektra, que contratou a Paul Rotchild para producilos. A finais de 1966 The Doors iniciaron unha serie de presentacións no lendario bar Whisky A Go-Go, provocando un impacto enorme nos grandes medios. Rotchild aproveitou o momento e levounos para o estudio, onde rexistraron as cancións do primeiro disco en seis días. Unha semana máis para as mesturas e a elección dos temas e o LP, The Doors, estaba listo.

En xaneiro de 1967 foi lanzado o álbum acompañado do sinxelo "Break On Through". Este viña acompañado dun video promocional, unha especie de ancestro do videoclip. O segundo sinxelo en aparecer foi "Light My Fire", que estivo durante 17 semanas nas listas. The Doors tamén tiña outros temas clásicos hoxe en día como "The End" ou "The Crystal Ship".

Pouco despois entrarían novamente no estudio para gravar o seu segundo traballo que sairía antes de que rematase 1967. Strange Days incluía outros temas temas como "When The Music's Over", "Love Me Two Time" ou o tema que lle daba título ao disco, "Strange Days". Este traballo reafirmaou a The Doors como unha das grandes bandas do momento. Jim Morrison converteuse definitivamente nun ídolo mediático e adoptou a súa identidade The Lizard King (o rei lagarto), saíndo aos escenarios co seu traxe de coiro que o caracterizaba.