Galaxio
From Wikipedia
Galaxio esas la maxim granda individua konglomeruro de materio, kontenante steli, gaso, polvo e planeti.
Galaxii naskas kom imensa gas-nubi, ek qui steli denseskas. Unesme galaxio havas nereguloza formo; to es, ol indijas e formo ed interna strukturo. Ol kontenas granda quantesi de gaso e polvo, en quo nova steli konstante formacas. Ol jiras e pos yarmilioni evolucionas aden spirala formo. En la nukleo esas poka gaso e polvo e multa evoza steli; en la spirala "brakii" multa gaso e polvo e yuna steli (nia suno jacas en spirala "brakio" di la Lakto-voyo).
Pos plusa yarmilioni, la "brakii" enfaldesas vers la nukleo, la rezulto esas elipsatra galaxio, kontenante multa evoza steli e poka gaso e polvo. La fina formo di galaxio es sfero, pos to ol forsan divenos nigra truo.
Nia maxim proxima galaxio es Andromeda. Simile spirala, ma plu granda kam nia galaxio, ol havas du satelito-galaxii elipsatra.
Galaxii emisas radio-ondi, e la maxim forta fonti nomesas radio-galaxio.
Galaxii tendencas grupeskar. Lakto-voyo ed Andromeda-Galaxio apartenas grupo de cirkume 20 galaxii.
