Iono
From Wikipedia
Iono esas atomo o grupo de atomi kun elektrala charjo produktita per gano o perdo di negativa-charja elektroni.
Kristali de ionala kompozuri konsistas ek pozitiva e negativa ioni aranjita alternative en la treliso e kunligita per elektrala atrakto.
Ioni formacesas en gasi per radio o elektrala descharjo, ed okuras en l'ionosfero (videz anke atmosfero).
Ye tre alta temperaturi, gasi formacas plasmo, quo konsistas ek ioni e libera elektroni.
Aniono esas iono kun negativa charjo, quo movas vers l'anodo en elektrolizo. Ol esas ofte bazo.
Kationo esas iono kun pozitiva charjo, maxim ofte di metalo, quo movas vers la katodo en elektrolizo.
La mezuro di elektra kondukto di solvo permizas pri estimar lua brutala ioni-konteno.
L'aquo di oceani, qua konstitucas la maxim importanta aquala rezervo di tero, esas richa en ioni :
| Proxim koncentreso di precipua ioni di ordinala mar-aquo | ||||||||||
| Ioni | Cl– | Na+ | SO42– | Mg2+ | Ca2+ | HCO3– | Br– | CO32– | Sr2+ | F– |
| mg/l | 19000 | 11000 | 2700 | 1300 | 420 | 110 | 73 | 15 | 8,1 | 1,3 |
