Celsíus

Úr Wikipediu, frjálsa alfræðiritinu

Umbreytingarformúlur

Úr	í	Formúla
Celsíus	Fahrenheit	°F = °C · 1,8 + 32
Fahrenheit	Celsíus	°C = (°F – 32) / 1,8
Celsíus	Kelvin	K = °C + 273,15
Kelvin	Celsíus	°C = K – 273,15
1 °C = 1 K og 1 °C = 1,8 °F

Celsíus (táknað °C eða ℃ (U+2103 í Unicode)) er hitakvarði nefndur eftir Anders Celsius sem skilgreindi hann upprunalega árið 1742, hann er nú skilgreindur þannig að 0,01 °C samsvarar þrípunkti vatns og ein gráða á celsíus er 1/273,16 af muninum milli alkuls og þrípunkt vatns, þessi skilgreining var tekin upp árið 1954 á 10. fundi Conférence Générale des Poids et Mesures, en á honum var kelvineiningin einnig skilgreind. Upprunalega var þó kvarðinn skilgreindur þannig að 100 °C samsvöruðu frostmarki vatns og 0 °C samsvöruðu suðumarki þess við, bæði við staðalþrýsting, þessu var breytt árið 1747 og kvarðanum snúið við þannig að 0 °C samsvöruðu frostmarkinu og 100 °C suðumarkinu.