Best

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Best in Noord-Braobant

Best is e versteidelik dörp en 'n gemeinte in de Nederlandse provincie Noord-Braobant mèt 'n oppervlak vaan 35,35 km² en 'n inwoeneraontal vaan 28.996 op 1 januari 2006. Neve de hoofplaots Best kint de gemeinte ouch de kerne Aarle en De Vleut, en 't gehöch Batadörp. Petroenheilege vaan Best is Sint-Odolf.

[bewirk] Functies

Best is vaanajds al 'n industrieplaots, gei landbouwdörp wie de meiste ander plaotse in de buurt. In 't verleie waor Best e cintrum vaan klómpemekers; noe nog greuje in de buurt väöl populiere, die oets geplant woorte veur gebruuk in dees industrie. Dees industrie kraog in de twintegste iew e modern vervolg mèt de vesteging vaan 't Bata-sjoonfebrik. Dit febrik heet 't dörp jaorelaank vaan werkgelegeheid veurzeen en is nog ummer 'ne veurnaomen employeur. Allewel gief 't ouch deensverleners op 't dörp, die gebruuk make vaan zien gooj bereikbaarheid per spoerweeg.

[bewirk] Aonziech

Ein vaan de weinege monuminte is de Sint-Odolfskèrk, in neo-gotische stiel (1880-1886). 't Wölleminakanaal löp door de gemeinte.

[bewirk] Historie

Spoere vaan aw bewoening goon al trök tot 1700 veur Christus, en zien aongetroffe op de Aarlese Hei. Jónger spoere zien Keltische archeologische vónste, vaanaof 500 veur Christus. In de late achste iew zouw Sint-Odolf in Best gebore zien. In de volgende iewe oontwikkelde de plaots ziech laanksem. Tot 1819 maakde ze deil oet vaan 't amb Oirschot; sinsdeen is Best 'n zelfstendege gemeinte. In de negentiende iew leep de plaots veurop in de industrialisatie. Bovegeneump Bata-febrik vestegde ziech in 1934 in 't dörp, wat sinsdeen sterk greujde.