Bergen op Zoom

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Bergen op Zoom in Noord-Braobant

Bergen op Zoom (Braobants Berge) is 'n stad en gemeinte in westelik Noord-Braobant. De gemeinte had op 1 januari 2004 66.136 inwoeners en besleit 93,13 km². Binne de gemeinte ligke nog 't dörp Halsteren en de buurtsjappe, Lepelstraat en De Kladde en inkel gehöchte.

[bewirk] Stadsfuncties

De stad vörmp same mèt Roosendaal e twieling-verzörgingscentrum veur de regio, dewijl Bergen op Zoom zelf ouch veur Zieland vaan importantie is; veural Tholen is op dees stad geriech. Bergen op Zoom heet 'n umvangriek industriegebeed wat vaan 't Sjelde-Rienkenaal tösse Antwerpe en Rotterdam ligk.

[bewirk] Stadsbild

Gevangenpoort

Vaan Bergen op Zoom zien aw glorie is nog relatief väöl bewaord gebleve. Vaan de aw mör is de Gevangenpoort nog euver. Bekind is ouch 't steidelik kestiel de Markiezenhof, en de St.-Geertrudiskèrk mèt d'n torie, dee (wie ouch de Zwolse en Deventerse torie) de Peperbus geneump weurt.

[bewirk] Historie

Tot 1287 maakde Bergen op Zoom deil oet vaan de hierlikheid Breda; vaanaof dat jaor góng Bergen op Zoom wijer es centrum vaan 'n eige hierlikheid. Roond deen tied moot de plaots ouch stadrechte höbbe. Wienie is neet bekind: de akte moot tijens 'ne brand in 't stadsarchief in 1397 verlore gegaange zien. Later woort de hierlikheid tot markiezaat. De stad oontwikkelde eerdewerk en lake-industrie; mèt de lèste beconcurreerde me de Vlaomse stei.

Tijens d'n Tachtegjaoregen oorlog woort de stad versjèllende kiere vereuverd, meh bleef oeteindelik in han vaan de opstand, ouch al door mechteg vestewerke vaan Menno van Coehoorn. In 1747, bij de Franse successieoorlog, vereuverde de Franse de stad, die daonao tot 1814 in Franse han bleef en garnizoensstad waor.