Woensdrecht

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Dit artikel behandelt de gemeinte Woensdrecht. Dao is in die gemeinte ouch e dörp mèt dezelfde naom, zuug daoveur Woensdrecht (dörp).

Ligking vaan Woensdrecht in Noord-Braobant

Woensdrecht is 'n gemeinte in 't zuidweste vaan de provincie Noord-Braobant, tege de grens mèt Belsj (provincie Antwerpe, in 't zuie en ooste) en Zieland (in 't weste) aon, te zuie vaan Berg op Zoom, mèt 'n oppervlak vaan (perceis) 100,00 km² (daovaan gei water) en per 1 januari 2006 21.153 inwoeners. Woensdrecht besteit oet de kerne Hoogerheide (hoofplaots), Huijbergen, Ossendrecht, Putte (gedeiltelik) en Woensdrecht.

Bij woensdrecht ligk de bekinde Vleegbasis Woensdrecht, in hen vaan de Nederlandse lochmach, bekind vaan pacifistische proteste tege de plaotsing vaan kruusrakètte. Bij Ossendrecht ligk e militair trainingskamp veur de landmach. 't Landsjap vaan de gemeinte is liech gloojend, meh in verglieking mèt de umgeving oetgesproke heuvelechteg en maak deil oet vaan de Braobantse Kempe. E groet deil vaan de gemeinte is bebós. In 1997 woort de nui gemeinte Woensdrecht gevörmp oet de aw gemeintes Woensdrecht, Huijbergen, Ossendrecht en Putte.