Boxtel

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Boxtel in Noord-Braobant

Boxtel is e versteidelik dörp en 'n gemeinte in de Nederlandse provincie Noord-Braobant, mèt 'n oppervlak vaan 65,00 km² (daovaan 0,07 km² water) en 'n inwoeneraontal vaan 29.650 per 1 januari 2006. Ander kerne zien Den Berg, De Vorst, Hal, Kasteren, Kinderbos, Langenberg, Lennisheuvel, Liempde, Luissel, Nergena, Roond, Tongeren en Vrilkhoven.

[bewirk] Functies

Boxtel ligk aon de reveer d'n Dommel, en op e knouppunt tösse de stei Eindhove, De Bósj en Tilburg. Heidoor vörmp 't al sins iewe e veurnaom verkiersknouppunt. Ouch de spoerweeg oet dees drei stei koume bij statie Boxtel perceis bijein. Dit maak de gemeinte aontrèkkelik es vestegingsplaots veur bedrieve.

[bewirk] Historie

Boxtel weurt veur 't iers geneump in de elfde iew. In de Middeliewe en daonao is 't 'n hierlikheid. In de veertiende iew gebäört hei volges de legend de Mirakel vaan 't Heileg Blood, zoetot nog eder jaor d'n ierste zoondag nao Pinkstere 'n heilegbloodpercessie gehawwe weurt. In 1996 woort de gemeinte Liempde aon Boxtel touwgeveug.