Tilburg
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Tilburg is 'n gemeinte en industriestad in 't midde vaan Noord-Braobant. Op 1 januari 2005 had de gemeinte 198.772 einwoeners, boemèt de stad de twiede vaan Noord-Brabant en de zesde vaan Nederland is. De einwoeners höbbe de bijnaom Kruikenzeikers; tijens vastelaovend gebroeke de Tilburgers dee naom ouch zelf.
Inhawd |
[bewirk] Stadsfuncties
Tilburg is veural 'n industriestad, wie groet zöster Eindhove. De gemeinte herberg oongevier 7.600 bedrijve die same zoe'n 100.000 arbeidsplaotse beje. Tilburg kint 'n bleujende universiteit, die sins inkel jaore Universiteit van Tilburg hèt (in 1927 begonne es Katholieke Universiteit Tilburg, laoter um begriepbaar rejes Katholieke Universiteit Brabant geneump). De stad heet e gerenommerd poppodium, 013 geneump, nao 't nètnómmer vaan Tilburg. De vootbalcub Willem II kump oet in de Ieredevisie.
[bewirk] Stadsbild
Tilburg heet ziech pas laot tot 'n stad oontwikkeld, zoetot 't stadsbild neet monumintaal is. Bekind is 't gemeintehoes, in neo-gotische stiel es paleis veur keuning Wöllem II gebojd. In de statiebeurt veent me inkel wolkekrabbers, boevaan de hoegste mèt 146 meter tot de hoegste gebouwe vaan Nederland huurt.
[bewirk] Historie
Tilburg woort in de Middeliewe gestiech es verzameling herdgange: dörper en gehuchte die kort bijein laoge en zoe löskes 'ne groetere plaots vörmde. Later oontwikkelde ziech 'n textielindustrie, boeveur urine aon de deur woort opgehaold veur de stoffe te bleke; heiaon höbbe de Tilburgers häöre bijnaom te danke. In 1806 kraog Tilburg stadsrechte. Later in de negentiende ieuw, tijens de korte regeerpeiode vaan Wöllem II, bojde me 'n ech stadscintrum en versjeie gebouwe; de keuning kaom gere in Tilburg. Aon 't eind vaan de negentiende ieuw greujde Tilburg oet tot 'n echte stad vaanwege 'n stèrke greuj vaan de textielindustrie, die in de jaore zesteg vaan de twintegste ieuw verlore zouw goon.
[bewirk] Externe link
 |
Commons: Category:Tilburg – Media gerelateerd aan dit óngerwerp |
| Provincie Noord-Braobant, Nederland | |
|---|---|
|
Aalburg | Alphen-Chaam | Aste | Baarle-Nassau | Bergeijk | Bergen op Zoom | Bernheze | Best | Bladel | Boekel | Boksmaer | De Bósj | Boxtel | Breda | Deurne | Dongen | Drimmelen | Eersel | Eindhove | Etten-Leur | Geertruidenberg | Geldrop-Mierlo | Gemert-Bakel | Gilze en Rijen | Goirle | Grave | Haaren | Halderberge | Heeze-Leende | Helmond | Heusden | Hilvarenbeek | Kranedonk | Kuuk | Laarbeek | Landerd | Lith | Loon op Zand | Maasdonk | Mill en Sint Hubert | Moerdijk | Nuenen, Gerwen en Nederwetten | Oirschot | Oisterwijk | Oosterhout | Oss | Reusel-De Mierden | Roosendaal | Rucphen | Schijndel | Sint-Michielsgestel | Sint-Oedenrode | Sintunnis | Son en Breugel | Steenbergen | Tilburg | Uden | Valkeswaerd | Veghel | Veldhoven | Vught | Waalre | Waalwijk | Werkendam | Woensdrecht | Woudrichem | Zomere | Zundert |
|
