Portugees
Van Wikipedia
't Portugees is de nationaal en inheimse taol vaan Portugal, en de officieel taol vaan Brezilië, Angola en väöl aander len die vreuger in Portugese han waore. In de Indiase stad Goa weurt 't ouch nog gesproke, meh neet erkind. 't Portugees geit bij de noordgrens vaan Portugal euver in 't Galicisch, dat door de Spaonse euverheid es aparte taol erkin weurt. 't Portugees heet mie es 200.000.000 sprekers en is daomèt de vijfde of zesde wereldtaol.
[bewirk] De taol
't Portugees behuurt tot de groop vaan Ibero-Roemaanse taole en is èng verboonde mèt 't Spaons. De taol is in de negende ieuw veur 't ierst op sjrif gestèld en umtot Portugal 't groetste deil vaan zien historie neet door Spaanje euverhiers woort kós 't ziech tot oonafhankelike sjrieftaol oontwikkele. De dialek-variatie is gering, ouch tösse de len oonderein: 't Braziliaans Portugees en 't Europees Portugees verhajde ziech wie 't Ingels en 't Amerikaans Ingels.
't Portugees oondersjeit ziech vaan zien naobertaole door de vörming vaan neusklang, verdikking vaan de j boe 't Castiliaans palatalisatie touwpas en 't behajd vaan de f boe 't Castiliaans h heet (figo, Cast. hijo[ixo]).
