Канюкова Александра Семёновна

Википедири материал

Канюкова Александра Семёновна, — чăваш чĕлхи тĕпчевçи, филологи ăслăлăхĕсен кандидачĕ (1950). 1919 çулхи нарăсăн 21 халĕ Чăваш Енĕн Элĕк районне кĕрекен Хитекушкăнь ялĕнче çуралнă.

Çавăн пекех ăна РСФСР халăха вĕрентес ĕç отличникĕ ята панă.

[тӳрлет] Пурнăçĕ

1943 çулта Чăваш патшалăх педагогика институчĕнчен вĕрен-се тухнă. 1967-1977 çулсенче Чăваш патшалăх университечĕн доценчĕ пулнă. Канюкаова чăваш чĕлхин историне, диалекчĕсене, лексикине, сасă уйрăмлăхĕсене тепченĕ диалектологи экспедицийĕсене хутшăннă. Виçĕ кăларăмпа тухнă «Чăвашла тĕрĕс те илемлĕ калаçар»> (Шупашкар, 1959, 1968, 1975) кĕнекинче автор чăваш орфоэпииĕн тĕп правилисем, синоним, антоним, омоним пулакан сăмахсем, илемлĕх мелĕсем çинчен çырса кăтартнă, весемпе калаçу чĕлхинче епле усă курмаллине палăртнă.

«Чувашская диалектология» кĕнекинче Александра Канюкова чăваш диалекчесемпе калаçăвĕсен фонетика, морфологипе синтаксис тата лексика уйрăмлăхĕсене тишкерет, вĕсене хальхи литература чĕлхипе танлаштарать.

Филолог студентсемпе вĕрентекенсем валли хатĕрленĕ вĕренӳ пособийĕнче автор чăваш чĕлхин диалекчĕсемпе калаçăвĕсен уйрăмлăхĕсене кăтартакан топонимика материалне кĕртнĕ.