Пушкăрт Республикин Пишпӳлек районĕ

Википедири материал

Пишпӳлек районĕ, — Пушкăрт Республикин кăнтăр-хĕвеланăç енче вырнаçнă районĕ. Район администрациĕ Ĕпхӳрен 230 çухрăмра вырнаçнă Пишпӳлĕк ялĕнче вырнаçнă. Района 1930 çулта йĕркеленĕ. Лаптăкĕ — 2134 км².

Тупмалли

1 Халăх йышĕ
2 Геологи
3 Транспорт
4 Культура
5 Паллă çыннисем

[тӳрлет] Халăх йышĕ

1995 çулта районта 27,6 пин çын пурăннă. Ытларах енĕпе кунта чăвашсем, тутарсем тата пушкăртсем пурăнаççĕ. Ыти халăхсен йышĕ пĕчĕк. Пĕр км² çине вăтамран 13 çын килет.

Районта пурĕ 91 пурăнмалли вырăн. Чи пысăккисем шутне Пишпӳлĕк, Кенгер-Менеуз, Аитово кĕреççĕ.

[тӳрлет] Геологи

Районти çĕр айĕнчи пурлăхсем шутне нефть, акшар, хăйăр, тăм кĕреççĕ.

[тӳрлет] Транспорт

Районăн çурçĕр-хĕвеланăç енче Самар-Ĕпхӳ-Челябинск чукун çул иртсе каять. Автомобиль çулĕсем района Пелепей, Туймаçи, Ĕпхӳ хулисемпе çыхăнтараççĕ.

[тӳрлет] Культура

Районта пурĕ 49 шкул пур. Вĕсенчен 18 вăтам шкул шутланаççĕ. Пĕр профессине вĕрентекен училище, 31 вулавăш, 45 культура керменĕ, 3 пульница пур. Районта çавăн пекех вырăсла, тутарла тата чăвашла тухса тăракан «Светлый путь»-«Яkты юл»-«Çутă çул» хаçат пур.