Яковлев Пётр Яковлевич

Википедири материал

Яковлев Пётр Яковлевич, — чăваш чĕлхин тĕпчевçи. 1950 çулхи çурла уйăхĕн 26 Чăваш Енĕн Красноармейски районĕнчи Упаçырми ялĕнче çуралнă.

[тӳрлет] Пурнăçĕ

1967 çулта Мăн Шетмĕри вăтам шкултан, 1975 çулта Чăваш патшалăх унивеститечĕнчи историпе филологи факультечĕн чăваш уйрăмĕнчен вĕренсе тухнă. ЧПГĂИче ĕçленĕ, чăваш чĕлхин пусăм йĕркине тĕпчесе темиçе статья пичетлесе кăларнă.

1978-1984 çулсенче Элĕк районĕнчи Мартынккă шкулĕнче завучра тата чăваш чĕлхипе литература вĕрентекенĕ вырăнĕсенче ĕçленĕ. 1984 çулта Пётр Яковлев Чăваш патшалăх университечĕнчи чăваш чĕлхи пĕлĕвĕн кафедринче ĕçлеме тытăннă, аспирантурăра вĕреннĕ. 1989 çулта «Чăваш чĕлхинчи сăмах пусăме» темăпа кандидат диссертацине хӳтĕленĕ. 1995 çулта унăн «Чăваш фонетики» учебникĕ пичетленсе тухнă. Кунта вăл чĕлхе пĕлĕвĕн çитĕнĕвĕсене шута илсе тата тăван чĕлхе йĕркин хăйне евĕрлĕхне асра тытса хăш-пĕр пулăмсене урăхла ăнлантарнă, уйрăмах консонантизм, сингармонизм, пусăм çинчен каланă шухăшсем пысăк пĕлтерĕшлĕ.

[тӳрлет] Ĕçĕсем

• Ударение в русских и интернациональных словах, заимствованных в чувашский язык // Чувашский язык. Труды ЧНИИ. Вып. 66. Ч., 1976;
• Чĕлхе, сăвă тата аллитерации // Чăваш илемлĕ литература чĕлхи. ЧНИИ статья пуххи. Ш., 1978;
• К истории изучения ударения в чувашском языке // Вопросы истории и грамматики чувашского языка. Труды ЧНИИ. Вып. 74. Ч., 1977;
• Чăваш Фонетики. Ш., 1995.