കല്‍പറ്റ

വിക്കിപീഡിയ, ഒരു സ്വതന്ത്ര വിജ്ഞാനകോശം.

കല്‍‌പറ്റ പട്ടണം

കേരളത്തിലെ വയനാട് ജില്ലയുടെ ആസ്ഥാനമാണ് കല്‍‌പറ്റ. കാപ്പിത്തോട്ടങ്ങളും തേയിലത്തോട്ടങ്ങളും മലകളും കൊണ്ട് ചുറ്റപ്പെട്ട ഒരു മനോഹരമായ പട്ടണമാണ് കല്പറ്റ. 1957-ല്‍ വയനാടിന്‍റെ വടക്കുഭാഗം കണ്ണൂര്‍ ജില്ലയിലും തെക്കുഭാഗം കോഴിക്കോട് ജില്ലയിലുമായിരുന്നു ഉള്‍പ്പെടുത്തിയിരുന്നത്. 1978 ഡിസംബര്‍ 7-ന് ഇരു വയനാടുകളും ചേര്‍ത്തു കല്‍പ്പറ്റ ആസ്ഥാനമാക്കി വയനാട് റവന്യൂ ഡിവിഷന്‍ രൂപീകരിച്ചു. വയനാട്ടിലെ ഒരേയൊരു മുന്‍സിപ്പല്‍ പട്ടണമാണ് കല്‍പ്പറ്റ. ^[1] വയനാട് ജില്ലയിലെ എല്ലാ വിനോദസഞ്ചാര ആകര്‍ഷണങ്ങളിലേക്കും ഉള്ള ഒരു പ്രവേശന കവാടമാണ് കല്‍പ്പറ്റ.

വിനോദസഞ്ചാരികള്‍ക്ക് താമസ സൌകര്യങ്ങള്‍ ഇവിടെ ലഭ്യമാണ്. കോഴിക്കോട്-മൈസൂര്‍ ദേശീയപാതയായ ദേശീയപാത 212 കല്‍പ്പറ്റയിലൂടെ കടന്നുപോവുന്നു. കടല്‍നിരപ്പില്‍ നിന്ന് 1000 മീറ്റര്‍ ഉയരത്തിലാണ് കല്‍‌പറ്റ സ്ഥിതിചെയ്യുന്നത്. 12 ഡിഗ്രി അക്ഷാംശവും 72 ഡിഗ്രി രേഖാംശവുമാണ് ഭൂപടത്തില്‍ കല്‍‌പറ്റയുടെ സ്ഥാനം.

ഉള്ളടക്കം

1 ആരാധനാലയങ്ങള്‍
2 കല്‍പറ്റയ്ക്ക് അടുത്തുള്ള വിനോദസഞ്ചാര ആകര്‍ഷണങ്ങള്‍
3 എത്തിച്ചേരുവാനുള്ള വഴി
4 അനുബന്ധം
5 പുറത്തുനിന്നുള്ള കണ്ണികള്‍

[തിരുത്തുക] ആരാധനാലയങ്ങള്‍

കല്‍‌പറ്റ പണ്ട് ഒരു ജൈനമതശക്തികേന്ദ്രമായിരുന്നു. കല്‍‌പറ്റ പട്ടണത്തിനടുത്ത് കേരളത്തിലെ തന്നെ പുരാതനമായ ഏതാനും ജൈനക്ഷേത്രങ്ങളുണ്ട്. പുരാതനമായ അനന്തനാഥസ്വാമി ജൈന ക്ഷേത്രം ഇവിടെയാണ്.^[2]

കല്‍‌പറ്റയ്ക്ക് അടുത്തുള്ള മറ്റു പ്രധാന ആരാധനാലയങ്ങളും അവയുടെ കല്‍‌പറ്റയില്‍ നിന്നുള്ള ദൂരവും താഴെ കൊടുത്തിരിക്കുന്നു.^[3]

വാരാമ്പേട്ട മോസ്ക് - 15 കി.മീ. അകലെ - 300 വര്‍ഷം പഴക്കമുള്ള ഈ മോസ്ക് വയനാട്ടിലെ ഏറ്റവും പഴക്കമുള്ള മോസ്ക്കാണ്.

കണ്ണാടി ക്ഷേത്രം - 20 കി.മീ. അകലെ - ജൈനനായ പരശ്വനാഥ സ്വാമിക്കായി സമര്‍പ്പിച്ചിരിക്കുന്ന ഈ ക്ഷേത്രം ഇവിടത്തെ ആയിരക്കണക്കിന് വിഗ്രഹങ്ങളെ പ്രതിഫലിപ്പിക്കുന്ന കണ്ണാ‍ടികള്‍ക്ക് പ്രശസ്തമാണ്.

പള്ളിക്കുന്ന് പള്ളി, എല്ലാവര്‍ഷവും ജനുവരിയില്‍ നടത്തുന്ന പള്ളിപ്പെരുന്നാളിനു പ്രശസ്തമാണ് - 5 കി.മീ അകലെ

ജൈനസന്യാസിയായിരുന്ന അനന്തനാഥ സ്വാമിക്കു വേണ്ടി സമര്‍പ്പിച്ചിരുന്ന പുലിയര്‍മല ജൈനക്ഷേത്രം 5 കി.മീ അകലെയാണ്.

കല്‍പറ്റയ്ക്ക് അടുത്തുള്ള ഗ്രാമങ്ങള്‍

[തിരുത്തുക] കല്‍പറ്റയ്ക്ക് അടുത്തുള്ള വിനോദസഞ്ചാര ആകര്‍ഷണങ്ങള്‍

കല്‍‌പറ്റയ്ക്ക് അടുത്തായി പല വിനോദസ്ഞ്ചാര ആകര്‍ഷണങ്ങളും ഉണ്ട്. ചിലത് താഴെ കൊടുത്തിരിക്കുന്നു^[4] ^[5]

ഇടക്കല്‍ ഗുഹ - 15 കി.മീ അകലെ
പൂക്കോട് തടാകം - 10 കി.മീ തെക്കായി
മീന്‍‌മുട്ടി വെള്ളച്ചാട്ടം - 25 കി.മീ അകലെ - വെള്ളച്ചാട്ടത്തിലെത്താന്‍ കാട്ടിനുള്ളിലൂടെ 2 കിലോമീറ്റര്‍ നടക്കണം
ബാണാസുര സാഗര്‍ അണക്കെട്ട് - 24 കിലോമീറ്റര്‍ അകലെ - ഇന്ത്യയിലെ മണ്ണുകൊണ്ട് കെട്ടിയ ഏറ്റവും വലിയ അണക്കെട്ടാണ് ഇത്.
ചീതാലയം വെള്ളച്ചാട്ടം - 37 കി.മീ അകലെ - ഈ ചെറിയ വെള്ളച്ചാട്ടത്തിനു ചുറ്റും പക്ഷിനിരീക്ഷണത്തിന് യോജിച്ച സ്ഥലമാണ്.
ചെമ്പ്ര കൊടുമുടി - 17 കി.മീ - 2100 മീറ്റര്‍ ഉയരമുള്ള ഈ കൊടുമുടി ഈ പ്രദേശത്തെ ഏറ്റവും ഉയരമുളള കൊടുമുടിയാണ്
ബ്രഹ്മഗിരി - 1608 മീറ്റര്‍ ഉയരമുള്ള കൊടുമുടി