Abraham Lincoln

From Wikipedia

Abraham Lincoln (* 12. Februar 1809 in Hodgenville, Kentucky; † 15. April 1865 in Washington D.C.) weer en US-amerikaansche Politiker.

Üm 1830 rüm hett he sien Öllernhuus verlaten und denn as Koopmann, Landvermeter und Postholler arbeid.

Över Ümwegen is he denn in’t Politik kommen und mit 27 Johr wer he all Parteivörsitter van de Whigs in Illinois. 1837 hett he sük eerstmals öppenlich tegen Sklaveree utspraken. Neben sien Politikerarbeid hett he denn ok noch Jura studeert un is 1836 van Anwaltskammer tolaaten wurn.

1842 hett he Mary Tood heirat und mit hör 4 Jungs harrt, van de aber 3 all as Kind doot bleven sünd. Kört nah sein Heirat is he ut dat Parlament van Illinois utscheeden, üm dat mehr Geld as Anwalt rinkommen deiht. Aber schon in 1848 wurr he in dat Repräsentantenhuus wählt. Dor hett he aber eegentlich nix tostanden brocht un so is he 1849 ok al weer uphollen un hett sük 5 Johr lang üm Politik nich mehr kümmert.

Denn aber geev dat immer mehr Probleme mit un üm de Sklaveree. De Partei van de Whigs is doran denn ut'neen broken. Ut een Deel dorvan sünd denn de Republikaner entstahn, de 1860 denn Lincoln as Präsidentschaftskandidaat upstellt hebbt. Ok de gegnerisch Demokraten kregen sük in de Plünn un hebbt sük bi de Wahlen de Stimmen wegnommen.

Mit 40 % hett he denn ok de Wahlen wunnen, aber denn keem dann ok to’n Börgerkrieg. As he vereedigt wurn is, wer de Börgerkrieg noch nich in Gang, aber an 12. April 1861 gung datt denn doch los. He hett denn aber ok temek hart dörgrepen und later henn (1865) mit den Noordstaaten ok wunnen.

Grund van de Krieg weer aber de Sklaveree, de dör Lincoln denn 1865 offiziell afschafft wurnn is.

1864 wer he as Präsident noch mol wählt wurrn, aber dat endgültig Ennen van’t Krieg und Sklaveree hett he gar nich mehr beleevt. An 14. April 1865 is he van de Schauspeler John Wilkes Booth, de Anhänger van de Süüdstaaten wer, in’t Kopp schoten wurn und en Dag later doran doot bleven. Booth hebbt se dorna ok dootschoten.

Nahfolger van Lincoln weer Andrew Johnson.