Konstelloatsie
Van Wikipedie
n Konstelloatsie is n groep van steerns dij, vanôf de Eerde zain, soamen n figuur vörmen.
De vernuimdste konstelloatsie is de Grode Beer, Ursa Major. Dizzent is simpel te heerkennen aan zien steelpanvörm. t Is ook ain van de ainegste konstelloatsies dij in Nederlaand t huil joar deur te zain is. n Aandere is de Leutje Beer, woar de Poolsteern dichtbie staait.
[bewark] Körte historie
Claudius Ptolemaeus, n Griekse waitenschopper, har in de eerste aiw noa Kristus de eerste lieste môkt van konstelloatsies. De maiste van dizze konstelloatsies kent man nog aal. Doch wuiren konstelloatsies al veul eerder heerkend deur mìnsken. De Egyptenoaren zagen in bepoalde konstelloatsies heur goden. Ook de Reumer meuken gebruuk van de steernshemel.
[bewark] Noamen van konstelloatsies en steerns
Elk steernsbeeld het, noast de noam in de aaigense toal, ook n Latainse noam. Bieveurbeeld Leutje beer hait hiernoast ook offisjeel Ursa Minor. Ook het elke konstelloatsie zien aaigense internatsjonoale kode, bieveurbeeld Ursa Minor het as kode UMi
De noamen van de steerns van n konstelloatsie kriegen noast heur aaigense noam, ook nog n Griekse letter om heur helderhaid aan de duden. Alfa is de kloarste steern en hou wieder t Griekse alfabet in, de minder kloar t steern wordt.
Steerns dij soamen n konstelloatsie vörmen stoan in t echt nait zo dicht bie mekoar as dat wie dat zain. Steerns van ain konstelloatsie kinnen in t echt wel doezenden lichtjoar bie mekoar vot stoan.
[bewark] Liest mit vernuimde konstelloatsies
Grunnegse noam | Latainse noam | Kode |
Andromeda | Andromeda | And |
Woaterman | Aquarius | Aqr |
Ram | Aries | Ari |
Kreeft | Cancer | Cnc |
Stainbok | Capricornus | Cap |
Cassiopeia | Cassiopeia | Cas |
Droake | Draco | Dra |
Twailen | Gemini | Gem |
Laive | Leo | Leo |
Schoale | Libra | Lib |
Orion | Orion | Ori |
Vizzen | Pisces | Psc |
Boogschutter | Sagittarius | Sgr |
Skorpioen | Scorpius | Sco |
Bolle | Taurus | Tau |
Grode Beer | Ursa Major | UMa |
Leutje Beer | Ursa Minor | UMa |
Moagd | Virgo | Vir |
Schreven in t Veenkelonioals |