Brachiosaurus
Frå Wikipedia – det frie oppslagsverket
| Brachiosaurus |
||||||||||||||||
|---|---|---|---|---|---|---|---|---|---|---|---|---|---|---|---|---|
 |
||||||||||||||||
| Systematikk | ||||||||||||||||
|
||||||||||||||||
| Vitskapleg namn | ||||||||||||||||
| Brachiosaurus Riggs, 1903 |
Brachiosaurus var ein enorm planteetatande dinosaur. Brachiosaurus er klassifisert innan sauropodar og familien brachiosaurane. Brachiosaurus levde i Nordamerika i Juratida, for 145-150 millionar år sidan.
Brachiosaurus var lenge den største kjende dinosauren men har no vorte passert av eit fleirtal andre av Sauropodslekta, blant anna Argentinosaurus, Andesaurus og Paralititan. Nære slektningar var t.d. Sauroposeidon, Pelerosaurus og Giraffititan. Brachiosaurus vart skildra vitskapleg i 1903 og er ein av dei mest velkjende dinosaurane blant dinosaurinteresserte.
Brachiosaurus er berekna å ha vore 25-26 meter lang og 12-14 meter høg. For lenge sidan berekna ein vekta til langt over 100 tonn, noko som ville plassere han i same klassen som Blåkvalen. No ligg anslaga vanlegvis mellom 50 og 75 tonn.
Frambeina var som hos andre brachiosauridar lenger enn bakbeina, noko som leidde til at dyra minna om gigantiske giraffar. Elles var dei svært like andre Sauropodar. Brachiosaurus hadde ein lang hals og ein lang hale, sjølv om han, liksom hos andre Brachiosauridar var kortare enn hos ein del andre Sauropodfamiliar.
Liksom andre Sauropodar var brachiosaurus eit utprega flokkdyr, og som andre Sauropodar tykkjest brachiosaurus ha trivdest best på store sletter nær sjøar eller andre vassdrag. Til skilnad frå Diplodocidar kunne truleg Brachiosaurus og dei andre Brachiosauridane ikkje reise seg på bakbeina.
Tidlegare såg ein på Brachiosaurus brancai frå Austafrika som ein av fleire artar innom same slekta. No reknar vi han som ei eiga slekt, kalla Giraffatitan. Verdas størsta nokolunde komplette dinosaurskjelett finst i Berlin og tilhører eit eksemplar av Giraffatitan.
Klassifisering
- Arkosauria-Dinosauria-Saurichia-Sauropodomorpha-Sauropoda-Brachiosauridae-Brachiosaurus
[endre] Sjå òg
- Sauropodane
- Brachiosauridane
- Sauroposeidon
- Giraffatitan
