Jon Bing

Frå Wikipedia – det frie oppslagsverket

Jon Bing (f. 30. april 1944) er ein norsk science fiction-forfattar, dr. juris og professor i rettsinformatikk på juridisk fakultet ved Universitetet i Oslo. Bing blir rekna som ein føregangsmann innan internasjonal rettsinformatikk. Han er æresdoktor ved Stockholms Universitet, æresdoktor ved Københavns Universitet og Visiting Professor ved Kings College, University of London. Bing er òg leiar av Personvernnemnda. Han har vore formann i Norsk Filmråd 1979–81, formann i Commitee on Legal Data Processing 1981–82 ved Europarådet, formann i Norsk kassettavgiftsfond 1983–85 og leiar av Norsk kulturråd 1993–2000. Bing vart fødd i Tønsberg

[endre] Forfattarskap

Saman med Tor Åge Bringsværd og nokre andre studentar ved Universitetet i Oslo starta Jon Bing opp foreninga Aniara, ein klubb for science fiction-interesserte, som har fått fleire mediaoppslag med utspel om science fiction. Han har gjeve ut fleire bøker, både innan skjønnlitteratur og faglitteratur. Han dobbeltdebuterte saman med Bringsværd i 1967 med novellesamlinga Rundt solen i ring. Han har skrive mange bøker åleine, ofte med god hjelp frå venen Bringsværd.

Litterært legg Bing seg på ein roleg, kanskje til tider drøymande skrivestil. Han skriv om menneske som står utanfor det vanlege samfunnet, men som trass i dette klarar det umoglege. I novella Riestopher Josef frå Rundt solen i ring skriv han om ein gut som ikkje kan gå utanfor huset på grunn av ein hudsjukdom. Novella handlar om at Riestopher byggjer seg eit romskip og dreg til sola for å fanga ei solstråle.

I nyare tid vert Jon Bing hugsa som ein person som er engasjert i mange emne. Han uttalar seg ofte i media i saker som gjeld teknologi, opphavsrett og framtida generelt.

[endre] Utgjevingar

1967 - Rundt Solen i ring
1969 - Komplex (novelle-roman)
1969 - Å miste et romskip: et sjansespill (skodespel)
1969 - Lunarium: boken om månen (essay og artiklar) (m/Bringsværd)
1970 - Det myke landskapet (roman)
1970 - Rød planet (science fiction-antologi)
1972 - Sesam 71 (noveller) (m/Bringsværd)
1972 - Østenfor sol vestenfor måne (science fiction-antologi) (m/Bringsværd)
1972 - Scenario (roman)
1972 - Elektriske eventyr (barnebok)
1973 - Jeg - en maskin: kybernetiske fabler (noveller) (m/Bringsværd)
1974 - Knuteskrift (noveller)
1975 - Forlagsavtalen (fagbok)
1975 - Azur - kapteinenes planet (barnebok)
1976 - Zalt - dampherrenes planet (barnebok)
1976 - Den gale professor (noveller)
1977 - Dragsug: en science fiction-antologi
1980 - Marco Polos nye eventyr (høyrespel og manus til TV-serie)
1980 - Stjerneskudd (science fiction-antologi)
1982 - Mizt - gjenferdenes planet (barnebok)
1982 - Kvartsbrikker: tekster til edb, individ og samfunn (fagbok)
1982 - Utfordringen: en bok om edb, individ og samfunn (fagbok)
1982 - Rettskildebruk (fagbok)
1984 - Flod (barnebok)
1984 - Dobbeltgjengere (roman)
1984 - Boken er død! Leve boken! (essay)
1985 - Tanz - gåtenes planet (barnebok)
1986 - Hvadata? Lesestykker for informasjonssamfunnet (noveller)
1988 - Sikkert som data (noveller)
1988 - Skyggene fra månen (barnebok)
1988 - Satelittfjernsyn (fagbok)
1988 - Av støv er du kommer (skodespel)
1990 - Etikk i næringslivet (fagbok)
1991 - Fabelprosa II, Minner om fremtiden (noveller) (m/Bringsværd)
1991 - Fabelprosa I, Motgift (noveller) (m/Bringsværd)
1991 - Tvilstilfeller (noveller) (m/Bringsværd)
1991 - Personvern i faresonen (fagbok)
1992 - En gammel romfarers beretninger (roman)
1992 - Fabelprosa IV, Drager og datamaskiner (noveller) (m/Bringsværd)
1992 - Fabelprosa III, Bakkekontakt (noveller) (m/ Bringsværd)
1992 - Rosenvy og bedriften som visste for mye (krim)
1994 - Offentlige informasjonstjenester: rettslige aspekter (fagbok)
1995 - Piken som ble borte (barnebok)
1995 - Rettslige kommunikasjonsprosesser (fagbok)
1995 - Rettslige konsekvenser av digitalisering (fagbok)
1996 - Elektronisk publisering: utvalgte rettslige aspekter (fagbok)
1998 - Landskap med tegn: en liten bok om informasjonsteknologi og informasjonspolitikk (fagbok)
2004 - Oslo 2084: fire fortellinger om fremtidige forbrytelser (noveller) (m/Bringsværd)

[endre] Prisar og utmerkingar

Kultur- og kyrkjedepartementets litteraturpris for barne- og ungdomslitteratur 1975 (for Azur - kapteinenes planet)
Kultur- og kyrkjedepartementets tegneseriepris for barne- og ungdomslitteratur 1979 (for Paradox) saman med Rune Johan Andersson og Tor Åge Bringsværd
Kongens akademiske gullmedalje 1977, (for Legal Decisions and Information Systems ) saman med Trygve Harvold
Rivertonprisen 1978 (for TV-serien Blindpassasjer) saman med Tor Åge Bringsværd
Kultur- og kyrkjedepartementets omsetjarpris for barne- og ungdomslitteratur 1980
Skolebibliotekarforeningas litteraturpris 1985 (for hans samla barne- og ungdomsbøker)
Computer Law Pioneer Award, World Computer Law Congress 1993
Gullmusa 1993
St. Olavs Orden, Ridder av første klasse 1999
Telenors forskningspris 2001 (for «framifrå pionerarbeid og internasjonale bidrag for å etablere eit akademisk fagområde knytta til data, telekommunikasjon og jus»)
Brages heiderspris 2001

[endre] Bakgrunnsstoff

Henta frå «http://nn.wikipedia.org../../../j/o/n/Jon_Bing_3278.html»