Sjabu‘ót
Frå Wikipedia – det frie oppslagsverket
Sjabu‘ót (frå hebraisk שָׁבוּעוֹת, [šābu‘ōt]), òg kalla vekefesten eller jødisk pinse, er ei jødisk høgtid som finn stad sju veker (49 dagar) etter pesah. På det religiøse planet er sjabu‘ót ei feiring av at jødane tok imot Toráen på Sinaifjellet — men sjabu‘ót er òg ein innhaustingsfest for m.a. kveite.
Sjabu‘ót blir feira i éin dag i Israel, i samaritansk religion, i karaittisk jødedom, i reformjødedommen og ofte òg i rekonstruksjonistisk jødedom. I konservativ og ortodoks jødedom og annan tradisjonell jødedom utanom Israel feirar ein sjabu‘ót i to dagar.
Ruts bok blir tradisjonelt lesen under sjabu‘ót.
[endre] Kva dagar fell sjabu’ót på?
- 2005: Sjabu’ót varar frå søndag 12. juni ved solnedgang til anten måndag 13. juni ved solnedgang (i Israel og i reform og rekonstr.) eller til tysdag 14. juni etter solnedgang (ortod./kons. utanom Israel).
- 2006: Sjabu’ót varar frå torsdag 1. juni ved solnedgang til anten fredag 2. juni ved solnedgang (i Israel og i reform og rekonstr.) eller til laurdag 3. juni etter solnedgang (ortod./kons. utanom Israel).
- 2007: Sjabu’ót varar frå tysdag 22. mai ved solnedgang til anten onsdag 23. mai ved solnedgang (i Israel og i reform og rekonstr.) eller til torsdag 24. mai etter solnedgang (ortod./kons. utanom Israel).
