Vasskoppar
Frå Wikipedia – det frie oppslagsverket
Vasskoppar (Varicella simplex) er ein utbreidd smittsam barnesjukdom som dei fleste ungar får og overlever.
Sjukdommen er forårsaka av varicella-zoster viruset (VZV), også kjent som humant herpesvirus 3 (HHV-3), som er eitt av åtte herpesvirus som råkar menneske. Smitten blir overført gjennom dropar eller kroppskontakt med ein smitteberar, og har ei inkubasjonstid på 2–3 veker. Ein er smittefarleg frå opptil ei veke før koppane utvikler seg og til den siste er uttørka.
Vasskoppar tek gjerne til med ein mild feber. Etter nokre dagar får ein raud utslett, koppar, først på overkroppen, deretter i fjeset og til slutt på armar og bein. Koppane er først små raude prikkar som utviklar seg til kløande blemmer. Etter eit par dagar får desse skorper og tørkar ut.
Sjukdommen gjev livslang immunitet, men hjå nokre personar kan viruset bli aktivt igjen og føra til helveteseld.
