عرب لیگ

وکیپیڈیا سے

**عرب لیگ**
عرب لیگ کا پرچم

عرب ریاستوں کی لیگ کا قیام	22 مارچ 1945 (میثاق اسکندریہ)
رکن ریاستیں	22
سرکاری زبان	عربی
عرب لیگ صدر دفاتر	قاہرہ، مصر (تیونس شہر، تیونس 1979-1989)
کونسل	سوڈان
عرب پارلیمنٹ	نبیہ بری
ویب سائٹ	عرب لیگ

عرب لیگ یا جامعة الدول العربیة عرب اکثریتی ریاستوں کی تنظیم ہے جس کا صدر دفتر مصر کے دارالحکومت قاہرہ میں ہے ۔ لیگ کے میثاق کے مطابق رکن ریاستیں اقتصادی معاملات بشمول تجارتی تعلقات، مواصلات، ثقافتی معاملات، قومیت، پاسپورٹ اور ویزا، معاشرتی اور صحت کے معاملات میں ایک دوسرے سے تعاون کریں گی۔ عرب لیگ کے میثاق کے مطابق تمام رکن ریاستیں ایک دوسرے کے خلاف جارحیت کا ارتکاب بھی نہیں کرسکتیں۔ عرب لیگ کا قیام 22 مارچ 1945ء کو اسکندریہ میں عمل میں آیا ۔

[ترمیم] رکنیت

عرب لیگ کے موجودہ ارکان اور ان کی لیگ میں شمولیت کی تواریخ:

مصر، 22 مارچ 1945ء (بانی رکن)
عراق، 22 مارچ 1945ء (بانی رکن)
اردن، 22 مارچ 1945ء (بانی رکن)
لبنان، 22 مارچ 1945ء (بانی رکن)
سعودی عرب، 22 مارچ 1945ء (بانی رکن)
شام، 22 مارچ 1945ء (بانی رکن)
یمن، 22 مارچ 1945ء (بانی رکن)
لیبیا، 28 مارچ 1953ء
سوڈان، 19 جنوری 1956ء
مراکش، یکم اکتوبر 1958ء
تیونس ، یکم اکتوبر 1958ء
کویت، 20 جولائی 1961ء
الجزائر، 16 اگست 1962ء
متحدہ عرب امارات، 12 جون 1971ء
بحرین، 11 ستمبر 1971ء
قطر، 11 ستمبر 1971ء
عمان، 29 ستمبر 1971ء
ماریطانیہ، 26 نومبر1973ء
صومالیہ، 14 فروری 1974ء
ریاست فلسطین ، 9 ستمبر 1976ء سے فلسطینی آزادی کی تنظیم پی ایل او کی جگہ سنبھالے ہوئے ہے
جبوتی، 9 اپریل 1977ء
جزائر قمر، 20 نومبر 1993ء

جنوری 2003ء میں اریٹیریا نے بطور مبصر عرب لیگ میں شمولیت اختیار کی

[ترمیم] دیگر تنظیموں سے تقابل

عرب لیگ آرگنائزیشن آف امریکن اسٹیٹس، کونسل آف یورپ اور افریقن یونین جیسی تنظیموں ملتی جلتی ہے جو بنیادی طور پر سیاسی مقاصد رکھتی ہیں، انہیں اقوام متحدہ کے علاقائی شکل بھی کہا جاسکتا ہے ۔ گوکہ عرب لیگ کی رکنیت ثقافتی بنیادوں پر دی جاتی ہے اس لئے وہ اس کو دیگر مندرجہ بالا تنظیموں سے ممتاز کرتی ہے ۔

عرب لیگ دیگر معروف علاقائی تنظیموں جیسے یورپی یونین سے بھی مختلف ہے کیونکہ نہ ہی اس نے علاقائی تعاون میں اہم کامیابی حاصل کی اور نہ ہی اس تنظیم کی رکن ریاستوں کے شہری براہ راست ایک دوسرے سے منسلک ہیں۔ عرب لیگ کے تمام اراکین اسلامی کانفرنس کی تنظیم موتمر عالم اسلامی کے بھی ارکان ہیں۔

[ترمیم] انتظامیہ

**عرب لیگ کے سیکرٹری جنرل**
نام	قومیت	تقرری	سبکدوشی
عبدالرحمن حسن عزام	مصر	1945	1952
عبدالخالق حسنی	مصر	1952	1972
محمود ریاض	مصر	1972	1979
شدلی کلبی	تیونس	1979	1990
ڈاکٹر احمد عصمت عبدالمجید	مصر	1991	2001
عمر موسی	مصر	2001	تاحال

[ترمیم] عرب لیگ کے اجلاس

قاہرہ مصر، 13 تا 17 جنوری 1964ء
اسکندریہ، مصر، 5 تا 11 ستمبر 1964ء
الدارالبدیہ (کاسابلانکا)، مراکش، 13 تا 17 ستمبر 1965ء

عرب لیگ (جامعة الدول العربية)
اردن \| متحدہ عرب امارات \| بحرین \| تیونس \| الجزائر \| جزائر قمر \| جبوتی \| سعودی عرب \| سوڈان \| شام \| صومالیہ \| عراق \| اومان \| فلسطین \| قطر \| کویت \| لبنان \| لیبیا \| مصر \| مراکش \| ماریطانیا \| یمن