مونٹ بلانک
وکیپیڈیا سے
| مونٹ بلانک | |
|---|---|
 شمالی یورپ کی بلند ترین چوٹی |
|
| بلندی | 4,808 1 میٹر (15,774 فٹ) |
| مقام | اٹلی ۔ فرانس |
| پہاڑی سلسلہ | کوہ الپس (Graian Alps) |
| فتح اول | 8 اگست 1786 کو جیکوس بالماٹ اور مائیکل گابریئل پیکرڈ |
مونٹ بلانک (اردو:سفید چوٹی) (انگریزی: white mountain) (اطالوی: Monte Bianco) (فرانسیسی: Mont Blanc تلفظ:موں بلاں) جو لادامے بلانکے (La Dame Blanche) (فرانسیسی مطلب سفید محترمہ) کے نام سے بھی جانی جاتی ہے، کوہ الپس میں واقع ہے، اور مغربی یورپ کی بلند ترین چوٹی قرار دی جاتی ہے۔ چوٹی اطالوی علاقہ وادی آؤستہ اور فرنسیسی علاقہ ہوتے ساووۓ (Haute-Savoie) کے درمیان واقع ہے۔ چوٹی کی ملکیت فرانس اور اٹلی کے درمیان باعث تنازعہ رہی ہے، اور فرانس اور بادشاہت ساردینیا کے درمیان تورین کے مقام پر 1861ء میں ہونے والے معاہدہ کے مطابق دونوں ممالک کے درمیانی سرحدی حد چوٹی کے بلند ترین مقام کو قرار دیا گيا تھا اور یہ ہی چوٹی کی آخری ملکیت تصور کی جاتی ہے۔ تاہم فرانسیسی نقشہ عموما اسکی پیروی نہیں کرتا۔
چوٹی کے قریب واقعہ اہم شہروں میں اطالوی علاقہ وادی آوستہ کا شہر کورمائر (Courmayeur) اور فرانسیسی علاقہ ہوتے ساووۓ (Haute-Savoie) کا شہر شامونی (Chamonix) ہیں۔ 1957ء میں دونوں شہروں کو ملانے کے لیے چوٹی کے نیچے سے سرنگ کی کھدائی کا کام شروع کیا گیا اور 11.6 کلومیٹر لمبی سرنگ کی تعمیر کا کام 1965ء میں مکمل کیا گیا۔
