Kublai Khan
vanuit Wikipedia, die vrye ensiklopedie.
Kublai Khan (23 September 1215 – 18 Februarie 1294) ook bekend as Khubilai Khan was die kleinseun van Genghis Khan, asook 'n Mongoliese leier en die stigter van die Sjinese Yuandinastie.
[wysig] Agtergrond
Kublai was die kleinseun van Genghis Khan. In sy jeug bestudeer hy die Sjinese kultuur en ontwikkel Kublai van daaraf 'n voorliefde vir Sjinese kunste. In 1251 word sy broer Mongkë die khan van die Mongoliese ryk, en Kublai die goewerneur van die suidelike gebiede van die ryk. Gedurende sy jare as goewerneur bestuur hy sy gebiede met goeie adminastrasie en ontwikkel kublaiherformings in die landbou sektor.
In 1259 sterf sy broer Mongkë en in 1260 word Kublai sowel as sy jonger broer hoofkhan. Na drie jaar van burgeroorlog win Kublai totale beheer oor die Mongoolse ryk.
[wysig] Mongoolse Ryk
Die Mongoolse ryk was in vier khanate in verdeel, elkeen regeer deur 'n khan wat onderverbonde aan die Groot Khan was. Die Kipchakkhanaat het oor die Russe regeer, Ilkhanaat oor die Midde Ooste, Chagataikhanaat oor sentraal Asië en die Groot Khan oor Mongolië sowel as Sjina. In 1271 stig Kublai die Yuandinastie en proklameer Dadu Beijing die hoofstad.
Om Sjina te verenig voer Kublai Khan 'n massiewe offensief teen die oorblywende Songdinastie. Hy was 'n goeie leier en het baie verbeteringe in Sjina aangevoer, soos om die groot kanaal te hernu en die gebruik van papiergeld in te stel. Kunlai probeer twee keer om Japan aan te val maar die vegkuns van die Samurai het die Sjinese soldate verslaan. Tydens die tweede aanval het 'n storm die Sjinese vloot gesink. Dr Kenzo Hayashida, 'n miriene argeoloog, het oorblyfsels van die Mongoolse vloot aan die weskus van Japan gevind en volgens sy bevindings het Kublai Khan sy enorme vloot binne een jaar gebou—'n taak wat 5 jaar moes neem en sodoende skepe van swak gehalte opgelewer het.
