Ägypten
Us der alemannische Wikipedia, der freie Dialäkt-Enzyklopedy
Ägypte isch es Land im Nordoschte vo Afrika. D Hauptstadt vo Ägypte isch Kairo. Ägypte isch bekannt für alti Tänkmäler, und bsunders für Pyramiide.
1922 isch Ägypte unabhängig gworde und isch jetzt e Republik. Ägypte isch Mitgliid i de Arabische Liga, und au i dr UNO. De Präsident isch de Hosni Mubarak.
Ägypte isch vo Wüeschte charakterisiert. Die meischte Mäntsche läbed entweder entlang em Nil oder entlang de Küschte. Die gröschte Stett send Kairo, Alexandria, Aswan, und Port Said. Fascht ali vo de 70 Millione Iiwoner läbed i de Stett oder entlang em Nil.
Di meischte Mäntsche send Muslim. Früener hätz z Ägypte au vili Chrischte gee. D Chrischte z Ägypte ghöred zu Koptischortodoxe Chile.
Boutros Boutros-Ghali isch vo Ägypte cho. Er isch de erschti Afrikaner gsi wo d UNO gleited hät. Anderi bekannti Ägypter sind de Schauspieler Omar Sharif, und Anwar Sadat(ermordet worde 19..), wo de Nobel Fridenspriis gwune hät.
