Eritachus rubecula
De Uiquipedia
| Raitán | ||||||||||||||
|---|---|---|---|---|---|---|---|---|---|---|---|---|---|---|
 Raitán |
||||||||||||||
| Clasificación científica | ||||||||||||||
|
El raitán (Eritachus rubecula) ye un páxaru que tá espardíu per toa Europa, principalmente na rexón meridional del continente, u habita tol añu. Tien el tamañu d'un gurrión (prieto de 14 cm), pero ye más lixeru. Como'l so nome amuesa en munches llingües, tien la tiesta, la colluga y la caxa de color roxa, paecía a madera; el restu'l cuerpu ye agrisayáu. Habita davezo en viesques de fasteres húmedes, onde hebia munches fueyes muertes y abondes felechales.
Tabla de conteníos |
[editar] Aspectu
- Llonxitú = 13-14 cm.
- Pesu = 11-22 gramos.
- Envergadura de les ales = 6,8-7,7 cm.
- Media de vida = 3-4 años, pero lleguen dica los 13.
[editar] Hábitat
Atópase en xardines, sebes, viesques y soviesques. Fae los niales nos furacos les árbores, al pie les sebes, nes yedres o n'oxetos vieyos debalaos na so estaya de vida. El nial tien forma de taza redonda.
[editar] Reproducción
El raitán emparéyase dende avientu; xeneralmente ye la fema la qu' acueye al machu nel so territoriu. Cuando ella ta guariando la segunda puesta, el machu encárgase de l'alimentación de la primera. Los recién nacíos emprincipien a volar a los 13-14 díes de salir del güevu.
- Periodu de nialificación: d'abril a agostu.
- Númberu de puestes: 1-2 al añu.
- Númberu de güevos: 5-6 en cada puesta. Son blancos con puntinos marrones.
- Incubación: 13-14 díes.
[editar] Alimentación
El raitán nútrese en campu abiertu y na soviesca. Aliméntase, sobre manera, d'invertebraos pequeños que viven en suelu (inseutos, coleópteros, llimiagos ou guxanos). Na seronda y na primavera aliméntase tamién con bayes y frutos pequeños. Cacia columbriando la so presa dende una rama de la que sal disparáu. Amás, cuando ven a otru animal escavando na tierra, como por exemplu un topu, síguenlu pa guetar guxanos y llombriegues.
[editar] Cantu
Ye un cantu que se defín como una riestra variada y nidia de frases curties; dambos sexos canten tol añu.
[editar] Otros nomes
- Francesina.
- Papín
