Euro
De Uiquipedia
L'Euro (EUR o € ISO 4217 ) ye la moneda única de doce de los veinticinco países de la Unión Europea dende'l 1 de xineru de 1999.
Tabla de conteníos |
[editar] Especificaciones
L'euro divídese en 100 céntimos.
Los documentos oficiales de l'UE usen les palabres euro y cent, simpre en singular. Por embargu, nel llinguaxe habitual, traduzsee cent por el equivalente en cada idioma (n'asturianu céntimu, n'español céntimo, en griegu lepto, n'italianu centesimo, etc) y el plural fórmase según l'usu la llingua.
Los billetes —d e 5, 10, 20, 50, 100, 200 y 500 euros — son idénticos pa los doce países. Les monedes —de 1, 2, 5, 10, 20 y 50 céntimos y 1 y 2 euros— tienen la misma "cruz" en tolos países pero distinta "cara".
Les monedes, cualisquiera que seya la so cara nacional, son válides tolos países de la zona euro.
El diseñu de los billetes ye de Robert Kalina del Bancu Central d'Austria y el de la cara común de les monedes débese a Luc Luycx de la Real Fábrica de Monedes de Bélxica.
L'euro ye'l sucesor del ECU, unidá monetaria europea (European Currency Unit).
El símbolu del euro (€), creáu pola Comisión Europea, inspírase na lletra épsilon (ε) del alfabetu griegu. Escoyóse esti símbolu como referencia a la inicial d'Europa. Les dos llínees paraleles faen referencia a la estabilidá dientru del área euro.
L'abreviatura internacional oficial pal euro, según la norma ISO 4217 ye EUR.
Nun hai símbolu oficial pal céntimu, aunque utilízase davezu una c minúscula o, nel casu d'España, ct (plural cts) como reminiscencia del céntimu de peseta. N'Irlanda utilízase delles veces nes tiendes el símbolu ¢.
[editar] Historia
| 1 Euro (€) | Antigua Moneda |
|---|---|
| 13,7603 | chelines austriacos (ATS) |
| 40,3399 | francos belgues (BEF) |
| 1,95583 | marcos alemanes (DEM) |
| 166,386 | pesetes españoles (ESP) |
| 5,94573 | marcos finlandeses (FIM) |
| 6,55957 | francos franceses (FRF) |
| 0,787564 | llibra irlandesa (IEP) |
| 1936,27 | llires italianes (ITL) |
| 40,3399 | francos luxemburgueses (LUF) |
| 2,20371 | florines holandeses (NLG) |
| 200,482 | escudos portugueses (PTE) |
| 340,750 | dracmes griegos (GRD) |
La moneda entró en vigor oficialmente'l 1 de xineru de 1999, cuandu dexaron d'esistir como sistemes independientes les monedes de los países de la zona euro: Alemaña, Austria, Bélxica, España, Finlandia, Francia, Irlanda, Italia, Luxemburgu, Países Baxos y Portugal. El 1 de xineru de 2001 incorporóse Grecia.
Sicasí, por cuenta del periodu de fabricación que requieren los nuevos billetes y monedes, les antigües unidaes monetaries nacionales, anque perdieron la cotización oficial nel mercáu de divises, permanecieron como mediu de pago hasta'l 1 de xineru de [[2002.
Tantu les monedes como los billetes tuvieron un periodu de coesistencia coles anteriores monedes nacionales hasta que fueron retiraes de la circulación. Esti periodu de coesistencia tuvo diferentes calendarios en los países que adoptaron l'euro.
Dinamarca, el Reinu Uníu y Suecia nun adoptaron la moneda única. Dinamarca refugóla nun referéndum que se llevó a cabu'l el 28 de setiembre de 2000, nel que'l 53,1 % de los votantes manifestaronse contra l'adopción del euro. En Suecia tamién se celebró un referéndum el 14 d'avientu de 2003, díes depués del asesinatu de la ministra Anna Lindh, impulsora de la adopción del euro. Nesta consulta, dalgo más del 56 % del electoráu votó en contra. La cuestión quedó asina pospuesta al menos cinco años, trescurríos los cuales podrá repitise'l referéndum.
En xunetu de 2002, l'euro sobrepasó la paridá col dólar estaunidense nel por primera vez dende febreru de 2000.
En payares de 2004 l'euro algamó una cotización con respecto al dólar de $1,33, el másimu valor de cambeu dende la so introducción.
Los diez estaos qu'ingresaron na UE cola ampliación de mayu de 2004, nun adoptaron l' euro. Sicasí, estos países tán tomando les midíes necesaries pa adoptar l' euro como moneda nacional, anque esti procesu puee tomar varios años.
Dellos países de la zona euro traten de desaniciar les monedes de 1 y 2 céntimos, yá que'l coste de fabricación ye más altu que'l so valor nominal. L'alternativa pue ser implantar el sistema según el cual los precios nun se modifiquen, pero una vez en caxa arredóndiense a 0 y a 5 céntimos pa facer desapaecer les monedes más pequeñes.
[editar] Eurozona
Llámase "Eurozona" (o zona euro) al conxuntu de los países qu'adoptaron la moneda única, más Andorra, Mónaco, San Marino, y el Vaticano, que tamién decidieron usalu. Los tres últimos emiten euros propios cola so cara nacional, pero Andorra non.
Montenegru y Kosovo na antigua Yugoslavia, países qu' usaben los marcos alemanes como moneda, tamién adoptaron l' euro, pero al contrario que los otros países, non soscribieron acuerdos llegales cola Unión Europea.
El francu CFA, que tenía un tipu de cambio fixu respecto al francu francés, tienlu agora respecto al euro. Lo mesmo ocurre col escudu de Cabu Verde, lligáu al escudu portugués.
L'euro ta alministráu pol Sistema Europeu de Bancos Centrales (SEBC), compuestu pol Bancu Central Européu (BCE) y los bancos nacionales de los países miembros de la zona euro. El Bancu Central, allugáu en Frankfort, ( Alemaña ), ye l'únicu con autoridá para desarrollar la política monetaria.
[editar] Ver tamién
|
|
|
