Romaní
De Uiquipedia
El romaní ye una llingua indoeuropea, del grupu indoariu septentrional, tamién ye nomada llingua xitana por ser la fala vernácula d'esta etnia. Por mor de les migraciones de los romá (endonome de los xitanos), dende'l noroeste de la India; la llingua sufrióu munches aportaciones y alteraciones; tando anguaño mui dixebrada.
El númberu de falantes nun ta claru pero paez que sedría d'ente 6 y 10 millones; destacando pola so vitalidá y población les variantes vlax (valaca) y balcánica del romaní.
[editar] División interna
- Asiáticu.
- Armeniu.
- Europeu:
- Vlax
- Balcánicu
- Central
- Septentrional
Pola mestura al traviés de los sieglos d'esta llingua; anguaño cada greyu ye sodividíu en variedaes plenas y paravariedaes. La diferencia ta en que nel primer casu ye una variedá propia del romani (romaní de Gales) y na outra ye que la llingua mayoritaria del país poseye la gramática y la estructura mientras que'l romaní-y apurre'l lléxicu, como ye'l casu del caló.
