Serbocroata
De Uiquipedia
Idioma faláu na antigua Yugoslavia por diferentes pueblos eslavos.
| Serbocroata (Српскохрватски / srpskohrvatski) | |
|---|---|
| Faláu en: | Serbia y Montenegru Croacia Bosnia-Herzegovina |
| Rexón: | Los Balcanes |
| Númberu de falantes: | 15 millones |
| Llugar pol númberu: | ?? |
| Clasificación xenética: | Indoeuropéu Llinguas eslavas |
| Estatus oficial | |
| Llingua Oficial de: | Serbia y Montenegru Croacia Bosnia-Herzegovina |
| Códigu | |
| ISO 639-1 | sr |
| ISO 639-2(B) | scc |
| ISO 639-2(T) | srp |
| SIL | SRP |
Fálanlu los serbios (8, 5 mill.), los montenegrinos (600.000), los croatas (4,5 millones) y los musulmanes bosnios (2 mill.). Amás ye usáu tolos días polas minorías serbias y croatas nos siguientes países: Austria, Hungría, Rumanía, na provincia italiana de Molise (italocroata), nos EEUU, Canadá, Australia, Suecia y Alemaña.
El termu llingüuísticu y xeneral ye serbocroata. En Serbia y Montenegru y na República Serbia llámase ouficialmente serbiu, en Croacia y nas zonas católicas de la Federación de Bosnia-Herzegovina croata, y na zona musulmana de la mesma federación bosniu.
Esta llingua tien cuatru nomes, ún hestórica y llingüísticamente motiváu (serbocroata) y outros tres políticamente motivaos nun sentíu relixosu (étnicamente los tres pueblos -serbios, croatas y bosnios musulmanes- son de la mesma etnia: eslavos meridionales occidentales):
- Serbiu: nome empregáu en Serbia y Montenegru y na República Serbia en Bosnia (serbocroata faláu polos cristianos ortodoxos d'estas fasteiras).
- Croata: empregáu en Croacia y polos croatas de la Federación croato-musulmana de Bosnia (serbocroata faláu polos cristianos católicos d'estas fasteiras).
- Bosniu: namái empregáu polos musulmanes bosnios (serbocroata faláu polos musulmanes de Bosnia).
 |
||
| Esti artículu forma parte de la serie Llinguas eslavas |
||
| Tueiros llingüísticos | ||
|
[editar] Dialeutos
Hai tres dialeutos prencipales (que nun se cuerresponden colas denominaciones política-relixosas "serbiu"/"croata"/"bosniu"):
- Štokavianu (la pallabra pa "qué" ye "što"). Ye la base del serbocroata moderno. Toda Bosnia y la mayor parte de Serbia y Montenegru y Croacia son de dialeutu "što".
- Kajkavianu (pa "qué" emprégase "kaj"). Siéntese en deillas partes de Croacia y Serbia y Montenegru.
- Čakavianu (pa "qué" úsase "ča"). Siéntese en deillas partes de Croacia y Serbia y Montenegru.
Dientru del štokavianu hai outra diferenciación dialeutal:
- Ekavianu (una antigua vocal del antiguu eslavu eclesiásticu da "e", p.e. "mleko", lleite): faláu en Serbia Central, Voivodina (tamién parte de Serbia) y en Croacia occidental (redolada de Osijek y Našice (Eslavonia). Ye la base del "serbiu estándar".
- Ijekavianu (esta vieya vocal > "ije", p.e. "mlijeko"): faláu en Dalmacia meridional (Croacia), Serbia occidental y polos serbios de la República Serbia, en Montenegru y polos croatas y musulmanes bosnios al oriente del ríu Neretva. Ye la base del "croata estándar" y del "bosniu estándar".
- Ikavianu ("mliko"): faláu en Croacia septentrional y occidental y polos croatas y musulmanes bosnios al oeste del Neretva.
Diferencias lésicas
| Asturllionés | Serbiu | Croata | Bosniu musulmán |
|---|---|---|---|
| mil | hiljada | tisuća | hiljada tisuća |
| Xaneiru 1 | januar | siječanj | januar siječanj |
| mesa | sto astal trpeza |
stol trpeza |
sto hastal |
| fábrica | fabrika | tvornica | fabrika tvornica |
| arroz | pirinač | riža | riža |
| cenoria | šargarepa | mrkva | mrkva |
| aceite | ulje zejtin |
ulje | ulje |
| espinacas | spanać | špinat | špinat |
| fútbol | fudbal | nogomet | nogomet |
| tren | voz | vlak | voz |
| onda | talas | val | talas |
| proporiu | sopstveno | vlastito | vlastito |
| carreteira 2 | put cesta drum džada |
put cesta |
put cesta džada |
| Poro: | |||
| pai | otac | otac | babo; |
| tomate | paradajz | rajčica | paradajz |
Los meses
| Asturllionés | Croata | Serbiu | Bosniu musulmán |
|---|---|---|---|
| Xaneiru | Siječanj | Januar | Januar Siječanj |
| Febreiru | Veljača | Februar | Februar Veljača |
| Marzu | Ožujak | Mart | Mart Ožujak |
| Abril | Travanj | April | April Travanj |
| Mayu | Svibanj | Maj | Maj Svibanj |
| Xuniu | Lipanj | Jun | Jun Lipanj |
| Xunetu | Srpanj | Jul | Jul Srpanj |
| Agostu | Kolovoz | Avgust | August Kolovoz |
| Setiembre | Rujan | Septembar | Septembar Rujan |
| Outubre | Listopad | Oktobar | Oktobar Listopad |
| Payares | Studeni | Novembar | Novembar Studeni |
| Nadal | Prosinac | Decembar | Decembar Prosinac |
