Alpenrepublik

Aus Wikipedia

Der Artikl is im Dialekt „Ståd-Såizburgarisch“ gschriem worn.

Dé sognånnte "Åipmrepubblik" oda á "Östareich-Baian", "Baian-Östareich", "Boarisch-Östareichische Repubblik, Bajuwarien" usw. is a fiktivs Gebüide, wås sé a Mindaheit - dé wås néd genau eruirbår is - in Åidbaian, Östareich und Südtiroi wünschn dád. Da Hintagrund fia dés Stååtsgebüide is dé gemeinsåme Språch, Kultur und Mentalität. Söiche Bestrebungen håds á amåi direkt nåchm erstn Wöidkriag vau klánare Partein in Baian und Östareich gebm. A weitara Hintagrund wárad á dé wirtschåftliche Stärkn vau dera Regjon.

Inhaltsverzeichnis 1 Boarische Sichtweis 2 Östareichische Sichtweis 3 Südtirola Sichtweis 4 Wia kunnt der Stååt ausschaun?

[dro wärkln] Boarische Sichtweis

's kau übahaupt néd genau gsågt wern, wia füi Leid in Åidbaian sé so an Stååt wünschn dádn und wia füi néd.

Da Baia ån und für sich siagt sé in da Regel néd åis tipischa Deitscha in dem Sinn. Sehr vüi Baian sång von sich aus, dass 's in ersta Linie amåi Baian san und dånn erst Deitsche und dés a nur auf Papier. Sehr vüi Baian sång a, dass sa sé Östareich näha füiln wia dé "Preissn" (bsundas in dé Gebiete ån da Stååtsgrenz). Es kau åba sicha gsågt wern, dass 's kâ Mehrheit is, dé wås sé so an Stååt wünschn dádn. Es is eha in dé Kreise dé von hausaus pátriotisch-boarisch san.

[dro wärkln] Östareichische Sichtweis

Da Östareicha is - dés kau ma sång - erst seidm Ende vaum Zweitn Wöidkriag so richtig stoiz auf seî Lånd und seine Leid. 's Nazjonálbewusstsein håd sé seid 1945 erst bildet. Åiss wås in Vabindung mit Deitschlånd bråcht wird, oda geschweige denn dé Zuaordung vau dé Östareicha zum deitschn Voik wird mit wehementa Åbwehr beåntwortet. 's gibt åba unta dé Östareich á Aißarungen wia: "Baian und mia san eh dés söibe", "Dé Baian san schau unsare Briada" oda "Östareich is eh dés bessare Deitschlånd" (wias vau Politika kemma is). Wia "deitschnazjonál" Östareich heit no is, siagt ma bsundas no in Kärntn (Ortståfestreit).

's kau insgesåmt gsågt wern, dass sé sicha nur a kláne Mindaheit so an Stååt wünschn dád und då spezjell "östareichisch-boarisch patriotische" Leid.

[dro wärkln] Südtirola Sichtweis

Wås Südtiroi augeht san dé Südtirola ån und für sich sehr patriotisch. Durchn Ånschluss ån Italien nåchm erstn Wöidkriag und dé darauffoigende Untadrückung vau dé Leid, håd sé da Südtirola nix sehnlicha gwünscht wia "zrugg nåch Östareich oda Deitschlånd". Nåchm zweitn Wöidkriag håds vau östareichischa Seitn stårke Bemühungen gebm Südtroi wieda zrugg nåch Östareich z' hoin. Dés is åba gscheitert durch dé klåre Mittätaschåft im Drittn Reich. Dé östareichische Regierung håd dessweng den Gedånkn aufgebm und seid dem dé Schutzmåchtfunkzjon für Südtiroi üwanumma und dé Südtirola (deitschspråchige- und Ladina) zur östareischn Mindaheit in Italien erklärt. 's haitige Autonomiestatut is mit dé Italiena ausghåndlt worn.

Vau Genarazjon zu Genarazjon håd sé da Håss auf d' Italiena seidher åbbaut. Sehr vüi Südtirola woin åba no weg vau Italien. Sehr vüi wünschn sé an eigenen Stååt. Üba dé Wiedaeîgliedarung nåch Östareich måcht sé heitztåg eha kána mehr Gedånkn. Obwoih ma heid zum Beispüi ån da Grénz zua Provinz Trient no a k.u.k. Fahne månchmåi hänga siagt.

's kau daher gsågt wern, dass sé sicha nur a kláne Mindaheit dé "Åipmrepublik" wünscht.

[dro wärkln] Wia kunnt der Stååt ausschaun?

• Gliadarung in drei autonome Freistååtn - nämlich Freistååt Baian, Freistååt Östareich und Freistååt Sidtiroul
• und de wiedarum in Bundeslända: Obabaian, Niedabaian, Minga, Obapfåiz, Vorarlberg (vüilleicht), Nord- und Osttiroi, Såizburg, Obaöstareich, Niedaöstareich, Wean, Burnglånd, Steiamårk, Kärntn und Südtiroi
• Hauptstådt: entweda Wean oda Minga, vielleicht á Såizburg, weis glei in da Mittn drinn is.
• Stååtsform: a Repubblik natirlich.
• Åmtsspråch: Boarisch, Deitsch und dé Mindaheitnspråchn wia Italienisch, Ladinisch, Slowénisch, Kroátisch und Ungarisch.

Dés is wia gsågt a fiktivs Gebüide und werd in da Realität wårscheinlich nia z'ståndkemma.