Wean
Aus Wikipedia
| Låndesflåggn | Låndeswåppn |
|---|---|
 |
 |
| Båsisdåtn | |
| ISO 3166-2: | AT-9 |
| Kråftfåhrzeigszeichn: | W |
| Gmeindekennzoi: | 90101 - 92301 |
| Postléitzoin: | 1010 - 1239, 1400, 1450 |
| Telefonvuawoi: | 01 |
| Hohmbäidsch: | www.wien.gv.at |
| Koatn: Wean in Östarreich | |
 |
|
| Politig | |
| Biagamasta | Michael Häupl (SPÖ) |
| Regiernde Bââtei | SPÖ |
| Sitzvateulung im Gmeinderåt | SPÖ 55 ÖVP 18 Griane 14 FPÖ 13 |
| letzte Woi: | 23. Oktoba 2005 |
| nächste Woi: | woascheinlich 2010 |
| Bevöikarung | |
| Eiwohna: Bålungsraum: |
1.651.437 (2005) 1.900.000 |
| Raung: | 1. von 9 |
| Bevöikarungsdichtn: | 3.931,3 Eiwohna/km² |
| Geografie | |
| Flächn: | 414,65 km² |
| - davo Laund: | 395,29 km² (95,33 %) |
| - davo Wåssa: | 19,36 km² (4,67 %) |
| - Raung: | 9. vo 9 |
| Geografische Lage: | Koordinaten: 48° 07' - 48° 19' N 16° 11' - 16° 34' O 48° 07' - 48° 19' N 16° 11' - 16° 34' O |
| Ausdenung: | Noad-Süd: 22,4 km West-Ost: 30,0 km |
| Héchsta Punkt: | 542 m {Hermannskogel) |
| Tiafsta Punkt: | 151 m (Lobau) |
| Verwoitungsgliedarung | |
| Bezirke: | 1 Statutarstât 23 Beziake |
| Gmeinden: | 1 |
| - davo Städt: | 1 |
| - davo Moaktgmeindn: | 0 |
| Koarte: Wean und Gmeindebeziake | |
Beziake vo Wean |
|
Wean auf an Satellitnfoto(dea 19., 20. und 21. Bez. ohgschnittn) |
|
Wean (Deytsch: Wien) is de Håuptstådt, und zugleich a oa Bundeslą̊nd vǫ Estarreich. Se is mit 1.651.437 Einwǫna (Stą̊nd 2005) de greste Stådt vǫ Estarreich, sowoi vǫ de Leyt, åis wia r a vǫ da Flechn hea gsengn. Im Groußråum Wean lebm cirka 2 Millionen Menschn, des is a Viatl vǫ ålle Estarreicha.
Wean is de dritte UNO-Stådt und da Sitz vǫ oa Håufn intanationale Organisationen, åis da warn de OPEC, OSZE oda de Intanationale Atomenagiebehörde IAEA. D' Åidstådt vǫ Wean is im Dezemba 2001 vǫ da UNESCO zum Wöidkuiturerbm erklärt woadn.
Woazoachn vǫ Wean san da Steffl und 's Riesenradl im Pråda.
Inhaltsverzeichnis |
[dro wärkln] Geografie
Wean håd oa Flechn vǫ 414.65 km² und is damit 's kloanste Bundeslą̊nd vǫ Estarreich. Åußadem is es 's oanzige, wås koa Grenzn zua oan benåchboatn Lą̊nd ned håd. Es håd quasi oan Sondastatus, wei 's Bundeslą̊nd und Statutarstådt auf oamoi is. Deswegn håd Wean a vǫ ålle Bundeslenda 'n greßten Ą̊ntei ą̊n Vakehrs- und Båuflechn, gmessn ą̊n da Greßn. 11.3% vǫ da gsą̊mtn Flechn san bebauts Lą̊nd, 11,1% san Flechn fyan Stråssnvakehr und 2,2% san Gloaskerpa. Gleichzeitig is Wean owa a 's Bundeslą̊nd mid de, relativ gsengn, moastn Gårtnflechn, de 28,4% vǫ da Stådt åusmåchn und netta 's Burgenlą̊nd håd an hecharn Ą̊ntei ą̊n Wåssaflechn wia Wean (4,6%). Wean is a oans vǫ de via Bundeslenda in Estarreich, wo Wein ą̊båut wird, insgesą̊mt san 1,7% vǫ da Gesą̊mtflechn Weingartln. Wåid steht åuf 16,6% vǫ da Flechn und Lą̊ndwiatschåft wiad åuf 15,6% vą̊m gą̊nzn Bundeslą̊nd Wean betriebm.
[dro wärkln] Låg
Dåss se Wean zua oana vǫ de wichtigstn und greßtn Stedt in Mittleyropa entwückit håd, vadą̊nkt s' unta ą̊ndam da guadn geografischn Låg. De Stådt liegt zwischn de noadestlichn Åusleyfa vǫ de Åipn, im noadwestlichen Bereich vą̊m Weana Beckn. De historische Stådt is uasprynglich sydlich vǫ da Donåu entstą̊ndn, heyt liegt 's Stådtgebiet åuf ålle zwoa Seitn vą̊m Fluss. Wean is entstą̊ndn ą̊n oam Kreyzungspunkt vǫ åide Vakehrsstråssn in West-Ost- (Donau) und Noad-Syd-Richtung (Berstoanstråss). De Donåu håd se dåda leicht iwaquean låssn, wei se da Fluss im Weana Beckn in zåireiche Seitnoam mit låuta Insln dazwischen zateit håt.
Seid 1989 da Eisane Voahą̊ng gfåin is, wåchsn de Vakehrs- und Wiatschåflichn Beziehungen zu de neadlichn und estlichn Nåchbårn wida ą̊n. De geografische Nähad zum ehmåigen Ostblock måcht se a wida stårk bemerkbår. So is Wean zum Beispüi gråd 60 km vǫ Pressbuag, da Håuptstådt vǫ da Slowakei, wega; so nahad beiną̊nd san koane ą̊ndan zwoa Håuptstedt in Eyropa ned.
[dro wärkln] Lą̊ndschåft
Vą̊m Weana Stådtgebiet is netta a relativ kloana Ą̊tei zuabåut. Cirka de Höitn vǫ Wean is greans Lą̊nd, oa greßana Tei wiad a lą̊ndwiatschåftlich gnyzt.
Da tiaftste Punkt vǫ Wean ist mid 151 m Meereshecht in da Lobåu, da hechste is da Hermannkogöi mit 542 m. Dåda, im Noadwestn und umme im Westn und Sydwestn vǫ Wean glą̊ngt da Weanawoid mid seine Gipfüin (Leopoidsbeag, Kahlenbeag) und seine Wöida bis ins Stådtgebiet eini. De Donau kimmt duach de Weana Pfoatn, des is oa Engstöi zwischn dm Leopoidsbeag åuf 'n rechtn und 'm Bisambeag åuf 'n linkn Uafa, nåch Wean eina. Vą̊m Weanawoid owa rinnan åußadem oa Håufn kloane Fluss in d' Stådt eini, wo da beką̊nteste vǫ dera da Weanfluss is. De Beag im Westn gengan in Sydn in eiszeitliche Terassen (Weanabeag, Laaer Beag) umi. Des då gą̊nze Gebiet wiad zum Wein ą̊båun gnumma und büidet de Weinbåuregion Wean.
Da Ostn vǫ da Weanastådt is geprägt vǫ de flåchn Lą̊ndschåftn vą̊m Marchföid, de wås lą̊ndwiatschåftlich gnutz weadn. Im Sydosten san de Donåuåun, oa Åulą̊ndschåft entlą̊ng vǫ da Donåu, de wås zum Nationalpark erklärt woadn is.
De bessarn Gegendn zum wǫna san, wia a in ą̊ndare eyropeische Stedt a, eha ą̊m westlichn Rą̊nd glegn, håuptsechlich wei 's Wetta vǫ Westn kimmt und de Luft duatn no såubara is. De åidn Industriegegendn lignan dagegen ehenta am estlichn Rą̊nd vǫ da Stådt.
[dro wärkln] Sochn de ma se oschau muass
- da Steffl
- 's Parlament
- 's Råthaus
- d'Hofbuag
- d'Korlskiachn
- d'Votivkiachn
- 's Naturhistorische Museum
- 's Kunsthistorische Museum
- 's Museumsquartier
- 's Technische Museum
- Schönbrunn und da Tiagoatn Schönbrunn
- 's Belvedea
- 's Kabaree Simpl
- 's Stotsopa
- 's Buagtheata
- da Proda mim Riesnradl
[dro wärkln] Stådtgliadarung
Wean wiad heint in 23 Bezirke untateit, de då san:
1.Beziak Innere Ståt 2.Beziak Leopoidståt 3.Beziak Låndstråßn 4.Beziak Wiedn 5.Beziak Margaredn 6.Beziak Mariahüf 7.Beziak Neibau 8.Beziak Josefståt 9.Beziak Oisagrund 10.Beziak Favoritn 11.Beziak Simmaring 12.Beziak Meidling 13.Beziak Hietzing 14.Beziak Penzing 15.Beziak Rudoifsheim-Fünfhaus 16.Beziak Ottakring 17.Beziak Hernois 18.Beziak Währing 19.Beziak Döbling 20.Beziak Brigittenau 21.Beziak Floridsduaf 22.Beziak Donauståt 23.Beziak Liesing
