Obabaian
Aus Wikipedia
 |
Der Artikl is im Dialekt „Südostobaboarisch“ gschriem worn. | |
| Basisdaten | |
|---|---|
| Bundesland: | Baiarn |
| Vawoitungssitz: | Minga |
| Fläche: | 17.529,63 km² |
| Eiwohna: | 4.232.962 (30. September 2005) |
| Bveikerungsdichtn: | 241 Eiwohna je km² |
| Webseitn: | regierung.oberbayern.bayern.de |
|
|
|
Obabaian is oana vu de siam 'Regierungsbeziake' in Baian und soidd ned mit dem deckungsgleichn 'Bezirk' Obabaian durchanandabrocht wern.
Dea Regierungsbezirk liagt im Siadostn vu Baian. Siadlich und estlich grenzta an Estareich, im Nordostn an Niedabaian, im Nordwestn an Middlfrankn und im Westn an Schwobm. Zum erschdn Moi erwähnt werd da Begriff 'Obabaian' 1255. Domois hod aba da Keamgau und de Gegnd vu Reichahoi no zu Niedabaian gheat.
Inhaltsverzeichnis |
[dro wärkln] Vawoitung
S gibt heitzdog in Obabaian drei greisfreie Stätt und zwanzg Landkreis:
[dro wärkln] Greisfreie Stätt
[dro wärkln] Landkreis
|
|
[dro wärkln] Wirtschaft
Obabaian hod ned grod wenig Induschtrie, vor oim in da Neh vu gressane Stätt wia Minga oda Ingoistod, wo unta andam Autos baut und Fuim draht wern. S gibt aba aufm Land nu an Haffa Bauan, vui Kia, Facken, Wiesn und Gmiasobau. D'Mitgliada vu de oanzein Goatnbauvarei baun aa recht vui Geranien, vor oim roude, o. De Geranien ko ma dann im Summa aussn o de Boikone vu de tipischn oidn Bauanheisa seng.
[dro wärkln] Heisa
Nebn de Woiknkratza in Minga und de ganzn Gloastätt mit eanane guatbiagalichn Wohngegndn herscht aufm Land de oide Bauweisn vor, de wo se klimatisch ois optimal aussegsteid hod: relativ flache Dàcha, urspringlich oft mit Hoizschindln deckt und mit Baamstämm und Stoana obighoitn, wos aso jetz no manchmoi in de Beag zum findn is. Voan dro de Boikone an dene d Geranien onighängt ghean, oft iba mehrare Etaschn. Da Grund fia de flache Bauweisn is des Prinzip, dass im Winta da Schnää schee liegnbleibt aufm Dooch, und aso ois zuasätzliche Isolierung ausgnutzt werd. Wanns nadialich vui zvui schneibt, muas ma in sauan Apfe beissn und zwischndrin àà amoi oramma. D'hintre Heiftn vu seiche Bauanheisa is dann meistns da Stoi, in dem d'Kia, d'Pferdln oda d'Facken stengan. Nadialich macht des dann as Wohnhaus vorndro a no zuasätzlich warm im Winta.
