Norwegn
Aus Wikipedia
 |
Der Artikl is im Dialekt „Niedaboarisch“ gschriem worn. | |
| Kongeriket Norge Kenigreich Norwegn |
||
|---|---|---|
|
||
| ÅMTSSPRÅCH | Norwegisch (Bokmål und Nynorsk), Samisch is Åmtsspråch in sechs Kommunen, Finnisch in oaner Kommune. | |
| HAUPTSTÅDT | Oslo | |
| STAATSFORM | Parlamentarische Monarchie | |
| STAATSOBERHAUPT | Kini Harald V. | |
| REGIERUNGSCHEF | Premierminister Jens Stoltenberg | |
| FLÄCHE | 385.199 km² | |
| EINWOHNER | 4.671.900 (1. Oktober 2006) | |
| BEV-DICHTN | 12,1 | |
| BIP/EINWOHNER | 61.852 US-$ (2005) | |
| Gejd | Norwegische Krone
1 EUR = 8,24 Kronen (1. Januar 2007) |
|
| NATIONALHYMNE | Ja, vi elsker dette landet | |
| NATIONALFEIERDÅG | 17. Mai | |
| ZEITZONE | UTC +1 MEZ | |
| KFZ-KENNZEICHN | N | |
| INTERNET-TLD | .no | |
| TELEFON-VORWÅHL | +47 | |
|
||
Norwegn (landesprachlige Bezeichnung: Norge, Noreg)is a Land in Skandinavien, ganz obm im Norden vo Europa. Es liegt nord-westlich vo Schweden und hat aa Grenzn mit Finnland und Russland. Norwegn håd oiwai no an Kini.
Inhaltsverzeichnis |
[dro wärkln] D'Geographi
Norwegn is a recht langs Land, des weit in'n Nordn auffe geht. Es geht sogar iban Polarkreis. Es gibt vej Berge und an der Küstn weitverzweigte Fjorde. Grosse Teile san bewaldet. Es wird åber aa Ackerbau betriebn. Und Moore gibts aa vej.
De gresstn Städte san
- Oslo (Hauptståd): 536 dausend Bürger
- Bergen: 235 dausend Bürger
- Trondheim: 152 dausend Bürger
- Stavanger: 114 dausend Bürger
[dro wärkln] Klima
Wej as Land so lang is, is as Klima aa recht verschiedn. Åber im allgemein kå ma sågn, dass recht frisch im Sommer is und sau kålt im Winter. Aa fållt vej Schnee im Winter und gnua Regn im Sommer.
[dro wärkln] D'Språch
As Norwegischeis a germanische Språch, de am Deitschn ned ganz unähnlich is. Offizielle Språchan san Bokmål und Nynorsk. Bokmål is ausm Dänischn entwickelt und aa de Språch, de in Oslo gschprocha wird. Nynorsk wurde vom Ivar Aasen aus verschiedene Dialekte (von der Westküstn vo Norwegn) entwickelt. Des sollat aa wirklichs Norwegisch sei, und koa hålbats Dänisch. Nynork is åber gråd a Schriftspråch. Des hoasst, dass koaner des wirklich redt. Aa wenn vej Dialekte recht ähnlich san. In der Schui miassn alle Schüler beide Språchn zum Schreibn lerna. In Norwegn gibts wegna de vejn Berg und weij ois so weid aussanander is, aa vej Dialekte. Oft sprechan aa Radiosprecher im Dialekt und des is fiar koan seltsam. Ois a weidare Språch gibts no Samisch. Des vo de Samen (Lappen) gsprocha wird. (Genauer gsågt gibts sechs verschiedene Samische Språchan.) D'Samen wohna i Nord Skandinavien.
[dro wärkln] D'Religion
De meistn Norweger san Protestantn. Da erste Kini Olav Tryggvason, der Norwegn vereinigt håd, håd as Kristntum aus Europa eigfiahrt und de meistn Norweger san damåjs zu Katholikn gwordn (habn werdn miassn). Åber mit da Reformation in 1536 san fast alle Protestantn gwordn. Es gibt aa vej kloanere Religionsgemeinschaftn, wia de evangelische Freikirchn, de Pfingstgemeinschaft und andare.
