Antoon van Dyck
El Vikipedio
Antoon van Dyck [anTON fanDEJK] (naskiĝis la 22-an de marto 1599, mortis la 9-an de decembro 1641) fojfoje nomita en Esperanto Antonio Van-Dekjo, estis flandra pentristo, kiu famiĝis en Italio kaj ĉefe Anglio kiel unu el la plej grandaj portretistoj. Li naskiĝis en Antverpeno kaj iĝis en 1615 sendependa pentristo. Dum parto de sia junaĝo li estis la ĉef-asistanto de Petro Paŭlo Rubens. En 1620 li iris unuafoje al Anglio sed ne estis prezentita al la tiama reĝo Jakobo la 1-a de Anglio kaj la 6-a de Skotio (reĝo James I en la angla), kaj revenis al Flandrio post 4 monatoj. Poste li iris al Italio, kie li studis la pentrad-ĉefverkistojn kaj restis dum 6 jaroj. In 1627 li revenis al Flandrio kaj tie pentris multajn ĉefverkojn.
Famaj estas van-dejka manteleto, van-dejka barbo (pinta), van-dejka kolumo (punta).
