Lemano
El Vikipedio
Lago Lemano (Lemana Lago) situas sur la landlimo inter Svislando kaj Francio. Ĝia franca nomo estas "(Lac) Léman" [lak leMA], foje ĝi nomiĝas Lago de Ĝenevo, kiu estas ankaŭ la germana nomo (Genfer See).
Lemano longas 72 km kaj grandas 582,4 km², ĝia maksimuma larĝo estas ĉ. 13 km. Ĝi estas la plej granda lago de okcidenta Eŭropo, pli granda ol la Konstanca Lago. El ĝia surfaco 234 km² (40 %) kalkuliĝas al Francio, 348,4 km² (60 %) al Svislando. Ĝia pleja profundo estas 309,7 m, ĝia meza alto super marnivelo 372 m. Ĝian volumenon oni kalkulas je 89 km³. Trafluas ĝin la rivero Rodano.
Bordas al la lago la tri svisaj kantonoj Ĝenevo, Vaŭdo kaj Valezo kaj la franca distriktaro (provinco) Haute-Savoie. Gravaj urboj ĉelagaj estas Ĝenevo, Laŭzano, Vevey kaj Montreux en Svislando kaj Thonon-Les-Bains en Francio.
[redaktu] Eksteraj ligiloj
http://perso.wanadoo.fr/lycee.noailles/leman/fr_03.htm Pri flaŭro kaj faŭno (france)- http://www.cgn.ch ŝipekskursoj sur Lemano
- http://www.ports-leman.ch havenoj de Lemano
 Administra mapo de Lemano |
 Lemano ĉe Epesses, rigardo al okcidento |
 Mapo de Lemano |
