Metodistoj
El Vikipedio
La metodistoj estas protestanta eklezio eliĝinte el la anglikana eklezio. La eklezion fondis la anglo John Wesley [Ĝon Ŭezli] (1703-1791) kaj lia frato Charles Wesley [Ĉaalz] (Karlo). Ili estas pli liberaj en la ceremonioj kaj la instruoj ol multaj aliaj protestantaj eklezioj. La plej alta eklezia instanco estas la Konferenco.
La metodisma eklezio havas du branĉojn: la brita (sen episkopoj) kaj la usona (kun episkopoj); la metodistoj en Eŭropo ekster la britaj insuloj plejparte apartenas al la usona branĉo.
La nomo de la metodistoj venas el la nomo de oksforda klubo, en kiu aniĝis la fondintoj dum la studjaroj. La klubanoj havis strikte metodan konduton, pro kio ili ricevis la moknomon ""metodistoj", kiun ili poste mem akceptis.
La Wesley-fratoj estis tre sukcesaj predikistoj kaj „vekis” amasojn; Charles verkis multajn gravajn himnojn. La fratoj estis origine anglikanoj, sed la anglikana eklezio malakceptis ilian agadon, kaj la movado apartiĝis en 1793.
La eklezianoj estas pli ol 70 milionoj en pli ol 120 landoj. La eklezio estas plej multnombraj en anglalingvaj landoj (Usono, Britio, Kanado).
La kredantoj devas vivi kun amo al proksimuloj kaj al Dio, ĉiam venki super pekoj kaj konduki ankaŭ aliajn al beateco. Tiel por metodistoj tre gravis la misio, precipe inter la afrikaj kaj usonaj nigruloj.
En la metodisma eklezio membras interalie Nelson Mandela, Kofi Annan kaj George W. Bush.
El la metodisma eklezio venis la fondinto de la Sav-armeo (Salvation Army), William Booth (1829-1912).
 |
 |
 |
 |
[redaktu] Vidu ankaŭ jenon:
[redaktu] Eksteraj ligiloj
http://www.umc.org- http://www.worldmethodistcouncil.org
- http://www.methodist.org.uk
- http://www.emk.de
