Retkarto
El Vikipedio
Retkarto estas komputila aparataro kiun komputilo bezonas por konektiĝi al loka reto aŭ interreto. Foje la retkarto estas fizike aparta komputila karto, sed nuntempe la tekniko plej ofte estas parto de la ĉeftabulo.
Plej multaj retkartoj estas ambaŭdirektaj, kio signifas ke ili povas sendi kaj ricevi datumojn samtempe.
Ekde 1990 plej multaj retkartoj estas eterretaj kaj kun UTP-konekto. Ekde 2005 pli kaj pli estas uzata ankaŭ sendrataj retoj kiuj uzas retkartojn kiuj estas konektitaj kun la komputilo per PCMCIA aŭ USB.
Por funkciigi sur komputilo retkarto estas bezonata programaro, tiel nomitaj peliloj. Por ofte uzataj retkartoj la pelilo estas parto de la operaciumo. Se ne, ili estas liverataj kun la karto aŭ elŝuteblaj de la retejo de la produktanto. Konataj produktantoj de retkartoj estas 3Com, Intel, Sitecom, Realtek kaj D-Link.
