Varna
El Vikipedio
Vidu ankaŭ artikolon Varna (Italio) pri komunumo en Italio.
Varna aŭ Varno havas loĝantaron de 357,198 ([1]) (2006), kio laŭ kelkaj faras ĝin la dua plej granda urbo de Bulgario; tamen probable Plovdiv estas iom pli granda. Varna estas marhavena urbo en la orienta parto de la lando, situanta sur la bordo de la Nigra Maro. La urbo estis nomata Stalin, laŭ Stalino, ekde 1949 ĝis 1956.
Varna estis fondita fare de la helenaj koloniistoj en la 6-a jarcento aK kiel urbo Odessos.
Varna estas nomata ankaŭ mara ĉefurbo de Bulgario, ĉar ĝi estas la plej granda marborda urbo de Bulgario. Varna estis bazo de la Bulgaria Mararmeo. Nuntempe funkcias en la urbo Mararmea Muzeo kun muzea ŝipo torpedoboato Draski. La arkeologia muzeo posedas parton el la t.n "Oro de Varna", tombeja kaŝitaĵo el la ŝton-kupra epoko.
En 1444 okazis la Batalo de Varna tie, kun la malvenko de krucmilitistoj kaj murdo de la reĝa armegvidanto Ladislao la 3-a de Pollando. Tie troviĝas la maŭzoleo de Ladislao la 3-a.
En 1962 okazis tie ŝakolimpiko, en 1969 olimpiko de moderna gimnastiko.
En 1978 tie okazis la 63-a UK de Esperanto.
[redaktu] Ĝemelaj urboj de Varna
Aalborg, Danio
Dordrecht, Nederlando
Ĥarkivo, Ukrainio
Akaba, Jordanio- Odeso, Ukrainio
Malmö, Svedio
Turku, Finnlando
Bradford, Britio
Miami, Usono
Rostock, Germanio
Novorossijsk, Rusio
Pireus, Grekio
[redaktu] Vidu ankaŭ
Listo de urboj de Bulgario kaj Haveno de Varna
[redaktu] Eksteraj ligoj
- http://www.varna.bg/ (bg)
- http://www.bulgaria.com/varna/ (en)
- http://www.varna-bg.com/ arkeologia muzeo (bg)
