Richard Feynman
Wikipedia(e)tik
Richard Phillips Feynman (New York, Estatu Batuak, 1918ko maiatzaren 11 - Los Angeles, California, 1988ko otsailaren 15a) XX. mendeko fisiko estatubatuarrik garrantzitsuenetarikoa. Elektrodinamika kuantikoaren eremuko bere lanagatik Fisikako Nobel saria jaso zuen 1965n Julian Schwinger eta Sin-Ichiro Tomonagaekin batera. Partikula azpiatomikoen jokaera azaltzeko balio zuten lanabes piktoriko batzuk jorratu zituen, gerora Feynamen diagrama bezala ezagutuko zirenak. Gaztaroan bonba atomikoaren garapenean lan egin zuen Manhattan proiektuan eta Challenger espazio-ontziaren hondamendia baloratzen zuen ikertzaile mahainguruan ere ibili zen. Fisikari egin zizkion hainbat ekarpenen artean nanoteknologiaren lehen garapenei eta konputazio kuantikoari buruzko lehen lanak nabarmentzen dira. Nahiz eta Feynmanen ekarpenak fisikaren barruan asko diren, 37 ikerketa artikulu bakarrik argitaratu zituen. Kaliforniako Caltech unibertsitatean fisika teorikoko Richard Chace Tolman katedra lortu zuen.
Feynmanek bere hainbat liburu eta klaseetan fisika errazten eta herrikoia sortzen saiatu zen, batez ere 1959an nanoteknologiari buruz emandako konferentzian, There's Plenty of Room at the Bottom (Azpikoaldean leku nahiko dago) edo ta bere The Feynman Lectures on Physics (Feynmanen fisikari buruzko konferentziak), fisikaren arloan irakurketa klasiko bilatu diren hiru bolumeneko liburua.
