Skarl (buorskip)
From Wikipedy
Skarl (Scharl) is in buorskip by Warns yn de gemeente Nijefurd mei likernôch 40 ynwenners en sa'n 14 hûzen en pleatsen. Skarl leit fuortby de Iselmar. It buorskip hat in lyts tsjerkhôf, mei in klokhús.
[bewurkje seksje] Ferkearde Wei
De ferbining tusken Warns en Skarl is de Skarler Dyk, dy't yn de 19e ieu noch de Ferkearde wei hiet, om't it de wei west hawwe moat dy't de mannen fan Greve Willem fan Henegouwen namen doe't se nei de Slach by Warns besochten nei Starum wei te kommen. Yn stee dêrfan draaide de wei nei it suden, nei Skarl en it Reaklif.
[bewurkje seksje] Hichte
Fan Starum fiert de Suderwei de Iselmardyk bylâns nei Skarl. Fan dy wei ôf, mar mear noch fan de Sudermar út, is goed te sjen dat Skarl op in hichte leit. Om't de Súdermar mear as oardel meter djip is, is de 3,7 meter hichte fan Skarl dan in grut ferskil. Foarby Skarl leit lykwols it Reaklif, dat mei 10m noch wer heger leit. Ut oare rjochtings is Skarl dêrom in lege hichte by it Reaklif. De oare ein fan de Skarlerdyk gong earder rjocht op it Reaklif oan, mar draait no op de dyk ta. Fan de trijehoek mei de Suderwei rint dan de Laaksumer Dyk nei it Reaklif, en fierder nei Laaksum.
[bewurkje seksje] Skiednis
Skarl is al yn, of foar, de 14e ieu ûntstean. Oant de gemeentlike weryndieling fan 1984 lei de buorskip yn de gemeente Himmelumer Aldefurd.
