Cristiano Ronaldo

Na Galipedia, a wikipedia en galego.

Cristiano Ronaldo

Nome completo:	Cristiano Messias Ronaldo dos Santos Aveiro
Alcume:	'
Data de nacemento:	5 de febreiro de 1985
Lugar de nacemento:	Funchal, Portugal
Data de falecemento:
Lugar de falecemento:	,
Nacionalidade:
Clube actual:	Manchester United
Posición:	Interior, estremo
Altura:	1,84 m metros
Partidos internacionais:	43 (con Portugal)
Goles:	15
Ano do debut:	2002
Clube do debut:	Sporting Lisboa
Ano do retiro:
Clube do retiro:

Cristiano Ronaldo é un futbolista portugués, natural da Illa de Madeira, mais concretamente da freguesía de Santo António no Funchal. O seu nome foi unha homenaxe de seu pai a Ronald Reagan. Fai publicidade para diversas marcas coma Nike, Suzuki, Pepe Jeans e Banco Espirito Santo.

[editar] Clubes

O seu primeiro clube foi o Clube Futebol Andorinha de Santo António, onde despertou rapidamente a atención dos olladores do Nacional da Madeira.

En 1995 ficha polos infantís do CD Nacional. Na sua primeira época, o futbolista gaña o campionato conquistado así o seu primeiro título coma xogador de fútbol.

Aos 11 anos de idade vaise de Madeira para Lisboa, fichando polos xuvenís do Sporting Clube de Portugal. Debuta co primeiro equipo en setembro de 2002, con só dezasete anos de idade. Naquela tempada chegaría a xogar 25 encontros, anotando 3 goles.

Nun encontro de competición europea contra o Manchester United destaca de tal xeito que os propios xogadores da escadra inglesa, no voo de volta a Inglaterra lle piden ao adestrador Alex Ferguson a súa fichaxe para substituir a David Beckham, que marchaba transferido ao Real Madrid.

Na atualidade, e dende o ano 2003 xoga para o Manchester United, na Premier League. Hai pouco renovou o seu contrato até o 2010.

[editar] Carreira

1992 - 1995: Futebol Clube de Andorinha (Portugal/Madeira)
1995 - 1997: Clube Desportivo Nacional (Portugal/Madeira)
1997 - 2003: Sporting Clube de Portugal (Portugal)
2003 - atualidade: Manchester United (Inglaterra)

[editar] Palmarés

4º posto no Mundial 2006 con Portugal
2º mellor xogador xove do Mundial 2006
Xogador xove do ano segundo a FIFPro(2005)
Subcampión da Eurocopa de Fútbol 2004 con Portugal
Incluido no Equipo do ano segundo a UEFA (2004)

[editar] Futuro

Considerado unha das maiores revelacións no fútbol dos últimos tempos, é un dos xoves talentos do panorama mundial pola sua habilidade co balón nos pés, a súa velocidade e o seu forte disparo a porta. Semella que será un dos xogadores máis desequilibrantes dos vindeiros anos, tendo en conta a súa progresión ata o de agora.

[editar] Selección

Cristiano Ronaldo destacou especialmente no Mundial 2006 en Alemaña onde foi unha das figuras da selección portuguesa que acadou o cuarto posto, a mellor clasificación dende 1966 onde tamén acadaron dita posición, daquela con Eusébio coma estrela da escadra.

No galardón se outorga ó mellor xogador xove da competición ficou na segunda praza, só por tras do xermano Lucas Podolski.

Tamén participou na Eurocopa de 2004 en Portugal máis a súa presenza no once portugués non foi tanta coma no Mundial. O equipo luso rematou subcampión tras perder na final contra Grecia.