Inditex

Na Galipedia, a wikipedia en galego.

**INDITEX**

Tipo
Lema	{{{lema_compañía}}}
Fundada	1985
Localización	Arteixo, A Coruña
Persoas clave	Amancio Ortega
Industria	Textil
Productos
Beneficio	6.741 millóns de € (2005)
Beneficio Operativo
Beneficio Neto	803 millóns de euros (2005)
Empleados	60.000
Páxina Web	http://www.inditex.com
{{{notas}}}

INDITEX (Industrias de Diseño Textil Sociedad Anónima) é un grupo galego de fabricación e distribución téxtil. É o primeiro grupo europeo e o segundo mundial de confección e roupa. Ten a súa sede central en Arteixo, A Coruña.

[editar] Historia

En 1963 Amancio Ortega fundou unha empresa dedicada á fabricación de prendas de vestir, denominada Goa. Non foi porén ata 1975 cando abriu a primeira tenda baixo a denominación Zara nunha céntrica rúa da Coruña. Durante os dez anos seguintes, a cadea extendeuse rápidamente por toda España e en 1985 creouse INDITEX coma cabeceira do grupo de empresas, que medrou progresivamente ata contar con varios centros de fabricación, que distribuían os seus produtos a distintos países europeos, abrindo tendas no Porto (1988), Nova York (1989) e París (1990).

No ano 1991 o grupo expandiuse coa creación da cadea de tendas Pull and Bear e a adquisición do 65% da cadea Massimo Dutti, merca que se completou en 1995. Tamén se creou Kiddy's Class, unha cadea de tendas de roupa para nenos. Bershka abriu as súas portas en 1998 e ao ano seguinte merca Stradivarius.

2001 converteuse nun ano importante para o grupo, coa apertura de Oysho e a saída a bolsa do grupo o 23 de maio por un valor total dun billón de pesetas. Dous meses despois o grupo xa formaba parte do selecto Ibex 35. A expansión do grupo seguiu ata hoxe en día.

[editar] Beneficios

O grupo Inditex facturou no ano 2005 uns 6.741 millóns de euros, un 25% máis que o ano anterior, convertindose así no primeiro grupo textil europeo (superando por primeira vez á empresa sueca H&M ) e segundo do mundo detrás da empresa norteamericana GAP. O beneficio neto do grupo acadou os 803 millóns de € nese ano. En 2006 o beneficio do grupo situouse nos 1002 millóns de €, cun volume de negocio de 8.196 millóns de €^[1].

[editar] Empresas do grupo

Cadea	nº de tendas
Zara	1005
Pull and Bear	435
Massimo Dutti	398
Bershka	437
Stradivarius	312
Oysho	206
Zara Home	153
Kiddy's Class - Skhuaban	189
TOTAL	3135

Ademais, o grupo integra tamén diversas empresas que non teñen tendas de seu, como Zara Logística ou Tempe, de produción de calzado. Número de tendas en marzo de 2007.