Pavel Nedvěd

Na Galipedia, a wikipedia en galego.

Pavel Nedvěd

Nome completo:	Pavel Nedvěd
Alcume:	'
Data de nacemento:	30 de agosto de 1972
Lugar de nacemento:	Cheb, Chequia
Data de falecemento:
Lugar de falecemento:	,
Nacionalidade:
Clube actual:
Posición:	Mediocampista
Altura:	1,77 metros
Partidos internacionais:	91
Goles:	18 (selección)
Ano do debut:	1991
Clube do debut:	Dukla Praha
Ano do retiro:
Clube do retiro:

Pavel Nedvěd é un futbolista checo que é internacional polo seu país e que arestora milita na Juventus, clube que se atopa na segunda división italiana.

Anteriormente xogara para o Dukla Praga, Sparta Praga e Lazio.

Nedvěd é un incansable mediocampista cunha magnífica técnica e sobre todo un forte disparo con ámbolos dous pés, o que o fai perigosísimo nos remates dende fóra da área.

Según dixo recentemente esta tempada probablemente sexa a súa derradeira no fútbol profesional.

A nivel individual, gañou o Balón de Ouro no ano 2003 e tamén aparece na lista dos 125 mellores xogadores vivos feita por Pelé.

[editar] Biografía

Nedvěd aparece na escena internacional cando a selección checa chega á final da Eurocopa de Fútbol 1996. Perderían este encontro por 2-1, levándose a Alemaña o triunfo cun gol de Ouro de Oliver Bierhoff. O torneo, nembargantes deu a coñecer ós grandes futbolistas daquela selección, entre eles, o propio Pavel. Así, ese mesmo ano ficha pola Lazio, escadra italiana da Serie A, coa que conseguiría unha Copa de Italia (1998) e unha Recopa de Europa (1999).

No ano 2001 marcha cara a Juventus, que paga á Lazio 41,2 Millóns de Euros. Ao longo destes anos, foi unha peza imprescidible da escadra turinesa, sendo determinante nos scudettos que conseguíu nos anos 2002,2003,2005 e 2006.

Nas competicións europeas, chegaron ata a final da Liga de Campións do 2003, perdendo nos penaltis contra o AC Milan. Pavel non puido desputar este encontro por unha amoestación recibida nas semifinais contra o Real Madrid. Ese ano outorgaríanlle o Balón de Ouro, premio que recibe o mellor xogador europeo do ano segundo o xornal France Football.

Chequia non xogou os mundiais de Mundial de fútbol Francia 1998 e Mundial de Fútbol Corea e Xapón 2002, pero si estivo notablemente presente nas Eurocopas de 2000 e 2004. Nesta última caeron en semifinais contra a Grecia grazas a un gol de Prata nun saque dende o curruncho. Nedvěd resultou mancado neste encontro e tivo que ser sustituído. Esta lesión fixo que decidira o seu retiro da selección, cun total de 73 encontros xogados e 18 goles anotados.

De tódolos xeitos, este retiro non foi definitivo. En novembro do ano 2005 Pavel volta á selección para xogar a repesaca da fase de clasificación para o Mundial de Alemaña no 2006. Enfrontáronse a Noruega, vencendo os dous encontros por 1-0, tanto en Oslo coma en Praga. Así, Chequia participa nun mundial despois da separación de Checoslovaquia. Desgraciadamente, e tras gañar 3-1 ós E.E.U.U. de xeito abraiante, as lesións ceibáronse ca escadra e perderon contra á Italia e Ghana. Chequia non foi quen pasa-la primeira rolda.

Nedvěd retírase definitivamente pouco despois, nun encontro contra Serbia.